معروف پاکستانی گلوکار عاصم اظہرنے، جو فوٹو اور ویڈیو شیئرنگ ایپ انسٹاگرام پر کافی متحرک تھے، اچانک اپنی تمام پوسٹس ڈیلیٹ کردیں۔
گلوکار عاصم اظہر نے انسٹاگرام سے اپنی پروفائل پکچر بھی ہٹا دی اور تمام پوسٹس ڈیلیٹ کرتے ہوئے سب کو ان فالو کردیا جس کی تاحال کوئی وجہ سامنے نہیں آ سکی۔
عاصم اظہر نے انسٹاگرام اسٹوری میں لکھا کہ ’اپنے آپ کو ڈھونڈنے کے لیے آپ کو پہلے خود کو کھونا ہوگا۔‘
واضح رہے عاصم اظہر نے 2022 میں اپنی قریبی دوست میرب علی سے منگنی کی تھی۔ دونوں کے درمیان تعلقات کی افواہیں کئی سال سے چل رہی تھیں جس کے بعد دونوں نے نئے رشتے میں منسلک ہونے کا فیصلہ کیا تھا۔
