اسلام آباد پولیس نے عمران خان کے بھانجے حسان نیازی کو جوڈیشل کمپلیکس کے باہر سے گرفتار کرلیا ہے۔
حسان نیازی آج اسلام آباد کی انسداد دہشت گردی کی عدالت میں تحریک انصاف کے نامزد رہنماؤں کے ہمراہ ضمانت کے لیے پیش ہوئے تھے۔
Important thing is that @HniaziISF has been arrested from the premises of the court which granted him bail.
— Salman Durrani (@DurraniViews) March 20, 2023
جوڈیشیل کمپلکس اسلام آباد کے باہر گزشتہ ہفتہ کو پولیس سے تصادم، توڑ پھوڑ اور جلاؤ گھیراؤ کے بعد عمران خان سمیت پی ٹی آئی کے 17 رہنماؤں کے خلاف انسداد دہشت گردی ایکٹ کے تحت تھانہ کاؤنٹر ٹیررازم ڈیپارٹمنٹ (سی ٹی ڈی) میں مقدمہ درج کیا گیا تھا۔
تحریک انصاف کے قانونی مشیر نعیم حیدر پنجوتھہ کے مطابق حسان خان نیازی انسداد دہشت گردی عدالت سے ضمانت لینے کے بعد ان کے ہمراہ باہر نکلے تاہم ایس پی نوشیروان نے زبردستی پولیس کے ساتھ مل کر انہیں تھانہ رمنا لے گئے ہیں۔
تمام مقدمات میں ضمانت کے باوجود SP نوشیروان نے دہشت گردی عدالت کے باہر سے @HniaziISF کو اغوا کرلیا ہے۔ پولیس گردی کی انتہا ہوگئی ہے حسان نیازی وکیل جس کی ابھی عدالت نے ضمانت منظور کی ہے اسکو اغوا کرلیا ہے @FarrukhHabibISF pic.twitter.com/sAyHNcVvsu
— PTI (@PTIofficial) March 20, 2023
تحریک انصاف نے الزام عائد کیا ہے کہ عمران خان کے فوکل پرسن حسان خان نیازی کو عدالت کے باہر سے پولیس نے ’اغوا‘ کرلیا ہے۔
پی ٹی ائی کے رہنما فرخ حبیب نے حسان نیازی کے مبینہ اغوا کے حوالہ سے اپنے ویڈیو پیغام میں کہا ہے کہ بیرسٹرحسان نیازی کی تمام مقدمات میں ضمانت ہو گئی تھی تھی تاہم ایس پی نوشیروان نے ان کو دہشت گردی کی عدالت کے باہر سے اغوا کر لیا ہے۔
