کراچی پولیس نے قیوم آباد میں پولیس مقابلے کے بعد 2 انتہائی مطلوب ملزمان کو زخمی حالت میں گرفتار کرلیا ہے۔
کراچی پولیس کے مطابق ساؤتھ کراچی کے علاقے قیوم آباد میں گشت کے دوران قبرستان کے قریب پولیس فورس نے 2 ملزمان کو رکنے کا اشارہ کیا تو ملزمان نے پولیس پر فائرنگ شروع کردی۔
مزید پڑھیں
پولیس کی جوابی فائرنگ سے ملزمان زخمی ہوگئے، جنہیں پولیس نے گرفتار کے اسپتال منقتل کردیا ہے، ملزمان کی شناخت فرید ولد عطا محمد اور فرحان ولد عطا محمد ہوئی ہے۔
پویس کے مطابق گرفتار ملزمان سے لوگوں سے چھینے ہوئے 4 عدد موبائل فونز، 6 گھڑیاں، ایئرپوڈس اور بغیر نمر پلیٹ موٹرسائیکل برآمد ہوئی ہے۔
گرفتار ملزمان آپس میں سگے بھائی ہیں اور شہر بھر میں اسٹریٹ کرائم کی متعدد وارداتیں کر چکے ہیں اور اسی حوالے سے پولیس کو مطلوب تھے۔
پولیس نے ملزمان کی مختلف وارداتوں کی سی سی ٹی وی فوٹیجز بھی حاصل کر لی ہیں، جن میں ملزمان کو وارداتیں کرتے ہوئے واضح دیکھا جا سکتا ہے، ملزمان کے خلاف مقدمات درج کر کے ان کے سابقہ کرمنل ریکارڈ کی چھان بین اور مزید تفتیش کی جارہی ہے۔
