خادمِ حرمین شریفین کے مشیر، مکہ مکرمہ ریجن کے امیر اور مرکزی حج کمیٹی کے چیئرمین شہزادہ خالد الفیصل نے ’حج، عبادت اور مہذب طرز عمل‘ مہم کا آغاز کیا ہے۔آئندہ قانونی دستاویزات کے بغیر حج کرنے کی اجازت نہ ہوگی۔
مہم کے دوران مکہ مکرمہ ریجن کے نائب امیر، مرکزی حج کمیٹی کے نائب چیئرمین شہزادہ سعود بن مشعل بن عبدالعزیز نے مناسک حج کی ادائیگی سے قبل اجازت نامہ حاصل کرنے کی ضرورت پر زور دیا اور کہا کہ اس سلسلے میں وضع کردہ قوانین و ضوابط پر سختی سے عمل کیا جائے گا۔ ہدایات کی خلاف ورزی کرنے والے پر قانون سختی سے لاگو ہوگا۔
شہزادہ سعود بن مشعل نے نشاندہی کی کہ اس آگاہی مہم کے سبب گزشتہ برسوں میں حجاج کو غیر قانونی امور، اور غیر قانونی طریقے حج سے روکنے میں کامیابی ملی، انہوں نے واضح کیا کہ اسی طرح عازمینِ حج کو فراہم کی جانے والی سروسز کو بہتر بنانے، اور انہیں سکون واطمینان کے ساتھ مناسکِ حج ادا کرنے کے لیے پرسکون ماحول فراہم کرنے میں مدد ملی۔
یہ بات قابل ذکر ہے کہ وزارتِ حج وعمرہ نے اپنے ایک منشور کے ذریعے واضح کیا ہے کہ قانونی دستاویزات کے بغیر حج کرنے کی اجازت نہ ہوگی۔
The Ministry of Hajj and Umrah warns that those violating Hajj regulations will face strict penalties, including imprisonment, fines, and deportation.#Makkah_and_Madinah_Eagerly_Await_You pic.twitter.com/KMn3pYGR0w
— Ministry of Hajj and Umrah (@MoHU_En) May 9, 2024
منشور کے مطابق حج کی ادائیگی کے لیے سعودی عرب آنے سے قبل ہی حج ویزے کا حصول ضروری ہوگا، دیگر تمام ویزوں بشمول وزیٹر، ٹرانزیٹ، سیاحتی ویزا اور ورک پرمٹ پر آئے اشخاص حج ادا کرنے کے مجاز نہیں ہوں گے۔
سعودی وزارتِ داخلہ نے واضح کیا کہ بغیر پرمٹ کے حج کرنا غیر قانونی تصور ہوگا، اس میں ملکی وغیر ملکی شامل ہیں۔
Securing a Hajj visa is a mandatory process, without which individuals outside the Kingdom cannot perform Hajj.#Makkah_and_Madinah_Eagerly_Await_You#No_Hajj_without_a_permit#Hajj_1445H pic.twitter.com/73IzZyy77O
— Ministry of Hajj and Umrah (@MoHU_En) May 13, 2024
غیر قانونی طور پر حج کرتے ہوے پکڑے جانے والے افراد پر 10 ہزار ریال جرمانہ عائد کیا جائے گا۔ دوبارہ پکڑے جانے پر یہ جرمانہ دگنا ہوگا۔ جبکہ وہ تارکینِ وطن جو حج کے قوانین وضوابط پر عمل در آمد نہیں کریں گے انہیں مملکت سے قانونی طور پر معینہ مدت کے لیے بے دخل کردیا جائے گا۔