سوشل میڈیا پلیٹ فارم ٹوئیٹر پر سابق امریکی صدر ڈونلڈ ٹرمپ کی کچھ ایسی تصاویر وائرل ہو رہی ہیں جس سے لگتا ہے کہ انہیں گرفتار کر لیا گیا ہے، ٹوئیٹر پر ٹرمپ ایرسٹ (TrumpArrest) کے نام سے ٹاپ ٹرینڈ بھی چل رہا ہے جس سے ان کے حامی پریشان دیکھائی دے رہے ہیں کہ ڈونلڈ ٹرمپ کو گرفتار کر لیا ہے۔
Ai is getting out of hand. Y’all got me all excited for nothing. #TrumpArrest pic.twitter.com/IQQ242bt0G
— Debate Society of Berkeley (@BerkeleyDebates) March 21, 2023
ڈونلڈ ٹرمپ کے حامی اس لیے پریشان ہیں کہ گزشتہ دنوں سابق امریکی صدر نے خود بھی ٹوئیٹر پر اپنے پیغام میں کہا ہے کہ انہیں فحش فلموں کی اداکارہ اسٹورمی ڈینیئلز کو ایک لاکھ ڈالر کی رقم ادائیگی کی تحقیقات کے نتیجے میں منگل کو گرفتار کیا جائے گا۔ ڈونلڈ ٹرمپ نے گرفتاری کی صورت میں حامیوں کو احتجاج کی کال بھی دی ہوئی ہے۔
تاہم اس حوالے سے اب حقیقت کھل کر سامنے آ گئی ہے۔ امریکی میڈیا کے مطابق ٹوئیٹر پر ڈونلڈ ٹرمپ کی گرفتاری کی تصاویر جعلی ہیں، یہ تصاویر آرٹیفیشل انٹیلیجنس(اے آئی) کی مدد سے بنائی گئیں ہیں۔ رپورٹس کے مطابق اب تک ڈونلڈ ٹرمپ کو گرفتار نہیں کیا گیا۔
🚨 Fake AI generated photos of Trump being arrested goes viral. pic.twitter.com/1hGOtvypFV
— whalechart 🐳 (@WhaleChart) March 21, 2023
یاد رہے کہ فروری 2021 میں ان کے متعدد انتہا پسند حامیوں نے جو بائیڈن کی کامیابی کے سرکاری اعلان کو روکنے کی ایک ناکام کوشش میں کانگریس پر حملہ کیا تھا۔ وائٹ ہاؤس چھوڑنے کے بعد سے ٹرمپ نے پام بیچ، فلوریڈا میں رہائش اختیار کی ہے جہاں وہ جون 1946 میں پیدا ہوئے تھےاور سنہ 2016 میں صدر کا الیکشن جیتا تھا۔
