جارجیا سے تعلق رکھنے والے ڈزنی پارکوں کے دیوانے ایک شخص نے12دنوں میں دنیا کے 12ڈزنی پارکوں کی سیر کی۔
امریکی ریاست جارجیا سے تعلق رکھنے والے نیتھن فائر شیٹس نامی شخص نے اپنے ٹوئٹر اکاؤنٹ پر 12ویں ڈزنی پارک کا سفر مکمل ہونے کی ویڈیو شئیر کرتے ہوئے لکھا کہ’’12پارکس،12دن،216رائیڈز۔دی ڈزنی گلوبل رائیڈ چیلنج ختم ہوا‘‘
12 Parks. 12 Days. 216 Rides. The #DisneyGlobalRideChallenge is Complete! pic.twitter.com/7xl8vBPbUe
— Nathan Firesheets (@A_Coaster_Story) March 20, 2023
نیتھن فائر شیٹس نے اپنا پراجیکٹ دی ڈزنی گلوبل رائیڈ چیلنج 8مارچ کو پیرس کے ڈزنی لینڈ سے شروع کیا، اور اتوار کے روز فلوریڈا کے میجک کنگڈم پارک میں اپنا سفر مکمل کیا۔
ان 12ڈزنی پارکوں کی سیر کے دوران کتنا خرچہ آیا؟ اس حوالے سے نیتھن فائر شیٹس نے ابھی تک کچھ نہیں بتایا۔
نیتھن فائر شیٹس کا کہنا تھا کہ انہیں ابھی تک یقین نہیں ہو رہا کہ انہوں نےدنیا کے 12ڈزنی پارکوں کی سیر 12دنوں میں مکمل کی ہے۔
