بھارتی ٹینس اسٹار ثانیہ مرزا نے ماہ رمضان سے قبل خاندان کے ہمراہ عمرے کی ادائیگی کر لی۔
ثانیہ مرزا نے حال ہی میں انسٹا گرام پر مدینہ منورہ سے کچھ تصاویر شئیر کی ہیں ، ان تصاویر میں ان کے خاندان کے دیگر افراد کو بھی دیکھا جا سکتا ہے لیکن ان کے شوہر شعیب ملک کسی تصویر میں بھی نظر نہیں آئے۔
ایک تصویر میں ثانیہ مرزا عبایا پہنے اپنے بیٹے اذہان مرزا ملک کی طرف دیکھ کر مسکرا رہی ہیں۔
جبکہ دوسری تصویر میں انہوں نے اپنی بہن انعم مرزا کی بیٹی کو اٹھا رکھا ہے۔
ثانیہ نے اپنی بھانجی کو ہاتھ میں اٹھائے ایک سیلفی بھی پوسٹ کی جس میں ان کے والدین سمیت خاندان کے دیگر افراد کو بھی دیکھا جا سکتا ہے۔ خاندان کے ہمراہ سیلفی شیئر کیے جانے پر ایک صارف نے سوال پوچھا کہ شعیب ملک کہاں ہیں؟
واضح رہے کہ حال ہی میں ثانیہ مرزا کے ریٹائر ہونے پر ان کے لیے حیدر آباد میں الوداعی تقریب منعقد کی گئی تھی۔ اس تقریب میں ثانیہ مرزا کے 20 سالہ طویل کیرئیر کا جشن منانے کے لیے بالی ووڈ انڈسٹری کی مشہور شخصیات اور کھلاڑیوں نے بھی شرکت کی تھی۔