قربانی کے جانوروں کی خرید و فروخت اب گھر بیٹھے ممکن، مگر کیسے؟

بدھ 22 مئی 2024
icon-facebook icon-twitter icon-whatsapp

دنیا بھر میں لاکھوں مسلمان ہر سال سنت ابراہیمی پر عمل کرتے ہوئے عید الاضحیٰ کے موقع پر جانوروں کی قربانی کرتے ہیں، کئی لوگ عیدالضحیٰ پر خوبصورت اور تگڑے جانور کی قربانی کی خواہش رکھتے ہیں، اور اچھے جانور مناسب دام میں خریدنے کے لیے مویشی منڈیوں کا رخ کرتے ہیں، سخت گرمی میں رش اور گندگی سمیت جانوروں کی ٹکروں سے بچتے ہوئے مویشی منڈی کا تجربہ ہمت کا متقاضی ہے، پھر بھی دوسری جانب یا تو جانور پسند نہیں آتا یا پھر قیمت زیادہ ہونے کے باعث خریداری مشکل ہوجاتی ہے۔

مزید پڑھیں

ان سب مسائل کے حل کے پنجاب حکومت نے شہریوں کو جانوروں کی خریداری میں آسانی کے لیے پاکستان میں پہلی مرتبہ ’ای کیٹل مارکیٹ‘ متعارف کرائی ہے، اب آپ گھر بیٹھے اس مارکیٹ کی ویب سائٹ سے جانور پسند کرسکتے ہیں، اور اس کے بعد مالک سے رابطہ کر کے جانور گھر منگوا سکتے ہیں، جس کے پہنچنے پر قیمت ادا کرنا ہو گی۔

ای کیٹل مارکیٹ پر خریدوفروخت کے لیے سب سے پہلے جانور فروخت کرنے والے کو اپنے بیل، بکرے، دنبے یا اونٹ کی تصویر، ویڈیو اپلوڈ کرنا ہو گی، ساتھ میں جانور کے وزن اور نسل کے حوالے سے بھی بتانا ہو گا، جس کے بعد قیمت بھی درج کرنا ہو گی اور ساتھ ہی اپنا رابطہ نمبر بھی درج کرنا ہوگا۔

چیئرمین پنجاب کیٹل مارکیٹ مینیجمینٹ اینڈ ڈیویلپمنٹ کمپنی ابراہیم طارق نے وی نیوز کو بتایا کہ ای کیٹل مارکیٹ پر خریدوفروخت سے قبل جانور فروخت کرنے اور لینے والے کی نادرا سے تصدیق ہو گی تاکہ کسی بھی فراڈ کی صورت میں ملوث شخص کو سزا دی جا سکے۔

خریدار ای کیٹل کی ویب سائٹ یا موبائل ایپ سے اس جانور کی تفصیلات دیکھ کر اسے پسند کرے گا، پھر فون پر رابطہ کر کے سودا کرے گا، ڈیل مکمل ہونے کی صورت میں بیوپاری جانور کو خریدار کے گھر پہنچائے گا اور اگر جانور ویسا ہی ہوا کہ جیسا تصویر یا ویڈیو میں بتایا گیا تھا تو خریدار رقم ادا کرکے اپنا قربانی کا جانور خریدلے گا۔

ابراہیم طارق کے مطابق ہر سال پنجاب کی 109 منڈیوں میں اربوں روپے مالیت کے جانوروں کی خریدوفروخت کی جاتی ہے، جبکہ یہ سب معاملات بغیر کسی کاغذی کارروائی کے طے پاتے ہیں۔

’ای کیٹل مارکیٹ سے اب یہ خریدوفروخت ڈاکیومنٹ اکانومی کا حصہ ہوگی، اس وقت ہمارا عملہ مویشی منڈیوں میں موجود ہے اور وہ بیوپاریوں کو بتا رہا کہ کس طرح وہ اپنا جانور انٹرنیٹ پر اپلوڈ کر کے فروخت کر سکتے ہیں۔‘

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

icon-facebook icon-twitter icon-whatsapp

تازہ ترین

ایشیا کپ 2025: سپر فور مرحلے کا شیڈول جاری، کون کس کے خلاف کھیلے گا؟

چمن میں دھماکا: 5 افراد جاں بحق، وزیراعظم اور وزیراعلیٰ بلوچستان کی مذمت

وزیراعظم شہباز شریف سعودی عرب کا کامیاب دورہ مکمل کرکے لندن پہنچ گئے

گوگل ڈاؤن: دنیا بھر میں جی میل، یوٹیوب، سرچ اور ڈرائیو متاثر

خواتین کے پیٹ کے گرد چربی کیوں بڑھتی ہے؟

ویڈیو

اسلام آباد میں اولمپئین ارشد ندیم کے نام سے شاہراہ منسوب کرنے کا فیصلہ

وزیراعلیٰ سندھ سید مراد علی شاہ کا شگفتہ انٹرویو

سعودی عرب اور پاکستان کسی بھی جارح کیخلاف ہمیشہ ایک رہیں گے، سعودی وزیر دفاع خالد بن سلمان

کالم / تجزیہ

پاک سعودی دفاعی معاہدہ، لڑائیوں کا خیال بھی شاید اب نہ آئے

سعودی پاکستان دفاعی معاہدے کی عالمی میڈیا میں نمایاں کوریج

چارلی کرک کا قتل