پاکستانی اداکارہ ژالے سرحدی کے دادا بھارت کی معروف شخصیت نکلے

بدھ 22 مئی 2024
icon-facebook icon-twitter icon-whatsapp

کراچی سے تعلق رکھنے والی اداکارہ ژالے سرحدی پاکستانی فلموں، ڈراموں اور ماڈلنگ کی دُنیا کا ایک جانا پہچانا چہرہ ہیں۔ لوگوں میں یہ غلط فہمی ہے کہ وہ مشہور اداکار خیام سرحدی کی بیٹی ہیں، حقیقت یہ ہے کہ خیام سرحدی، ژالے کے چچا تھے۔

ژالے کے والد کا نام بلال سرحدی تھا۔ اُن کے دادا ضیا سرحدی بھارت کے مشہور فلم پروڈیوسر، ڈائریکٹر اور مصنف تھے، جبکہ ان کی دادی ظاہرہ سرحدی بھی مصنفہ تھیں۔

ظاہرہ کے والد رفیق غزنوی کا شمار بھی بالی ووڈ کے مقبول ترین موسیقاروں میں ہوتا تھا جو تقسیم ہند کے بعد نہ صرف پاکستانی فلموں میں موسیقی دیتے رہے بلکہ ریڈیو پاکستان، کراچی کے ساتھ بھی بطور میوزک ڈائریکٹر وابستہ رہے۔ ژالے کی ایک بہن ژائلہ سرحدی بھی اداکاری، میزبانی اور نیوزکاسٹنگ سے منسلک ہیں۔

یوں کہا جاسکتا ہے کہ ژالے کو فن کا ورثہ ان کے ننھیال اور ددھیال سے مشترکہ طور پر ملا۔ انہیں شوبزنس میں متعارف کروانے کا سہرا ان کے فیملی فرینڈ اداکار ساجد حسن کے سر جاتا ہے، جنہوں نے انہیں سب سے پہلے ایک سٹ کام ’پنٹرز‘ میں چھوٹا سا کردار دلایا۔ اس کے بعد ژالے نے پیچھے مڑ کر نہیں دیکھا اور کامیابی کےجھنڈے گاڑتی چلی گئیں۔

وہ ٹی وی ڈراموں میں اداکاری کرتے ہوئے بھی اتنی ہی پُرکشش لگتی ہیں، جتنی کسی ٹی وی کمرشل یا فیشن ریمپ پر ماڈلنگ کرتے ہوئے دکھائی دیتی ہیں۔ ژالے کو اداکاری کے ساتھ ساتھ گلوکاری کا بھی شوق ہے اور اپنے اس شوق کی تسکین وہ گاہے گاہے مختلف ٹی وی شوز میں بطور مہمان یا میزبان کرتی دیکھی جاتی ہیں۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

icon-facebook icon-twitter icon-whatsapp

تازہ ترین

مویشی منڈیوں کے علاوہ جانور کہیں فروخت نہیں ہوں گے، پنجاب بھر میں دفعہ 144 نافذ

چیف جسٹس لاہور ہائیکورٹ نے مزید 6 الیکشن ٹربیونلز تشکیل دیدیے

پاکستان ریلوے نے عید الاضحیٰ کی خصوصی ٹرینوں کا شیڈول جاری کر دیا

وفاقی وزیر مذہبی امور کا عازمین حج کی رہائش گاہوں اور ہسپتال کا دورہ، پاکستان کے لیے دعاؤں کی درخواست

ڈیجیٹل ڈرائیونگ سینٹر جہاں پر سمولیٹر کے ذریعے خواتین کو ڈرائیونگ سکھائی جاتی ہے

ویڈیو

ڈیجیٹل ڈرائیونگ سینٹر جہاں پر سمولیٹر کے ذریعے خواتین کو ڈرائیونگ سکھائی جاتی ہے

وفاقی اور پنجاب حکومت میں شامل ہونے کا ابھی تک اشارہ نہیں ملا، رہنما پیپلزپارٹی حسن مرتضیٰ

بالی ووڈ اسٹار شاہ رخ خان کے لیے عید قربان پر پشاوری چیل کا خصوصی تحفہ

کالم / تجزیہ

’آپ مہدی حسن جیسی آواز کہاں سے لائیں گے‘

کیا سرجری کی ضرورت صرف کرکٹ ٹیم کو ہے؟

پاک بھارت میچ کا آنکھوں دیکھا حال!