آل جموں و کشمیر مسلم کانفرنس کے زیر اہتمام آج آزادکشمیر میں ’کشمیر بنے گا پاکستان‘ ریلی کا انعقاد کیا گیا ہے۔
ممتاز کشمیری رہنما مجاہد اول سردار محمد عبدالقیوم خان (مرحوم) کے مزار سے ریلی کا آغاز ہوا اور کوہالہ کے مقام سے ہوتی ہوئی آزاد کشمیر کے دارالحکومت مظفرآباد پہنچی۔
مزید پڑھیں
سابق وزیراعظم آزاد کشمیر سردار عتیق احمد نے ریلی کی قیادت کی، شرکا پاکستان اور آزاد کشمیر کو ملانے والے انٹری پوائنٹ کوہالہ کے مقام پر پرچم کشائی کریں گے۔
میڈیا سے گفتگو کرتے ہوئے سردار عتیق احمد نے کہاکہ دنیا کی کوئی طاقت کشمیریوں اور پاکستانیوں کے درمیان نفرت پیدا نہیں کرسکتی۔
مسلم کانفرنس کی ریلی میں سینکڑوں گاڑیوں نے شرکت کی جن پر پاکستانی پرچم لہرا رہے تھے۔
ریلی کے شرکا کشمیر بنے گا پاکستان کے نعرے لگاتے ہوئے مظفرآباد پہنچے۔
