پاکستان تحریک انصاف (پی ٹی آئی) کے سینیئر رہنما شیر افضل مروت نے کہا ہے کہ آج کل میں متحدہ عرب امارات میں چھٹیوں سے لطف اندوز ہورہا ہوں۔
سماجی رابطے کی ویب سائٹ ’ایکس‘ پر اپنے بیان میں شیر افضل مروت نے کہاکہ دوستوں کے ساتھ گپ شپ اور گھنٹوں اکٹھے رہنا واقعی سکون کا باعث ہے۔
میں اپنی چھٹیوں سے لطف اندوز ہو رہا ہوں۔ دوستوں کے ساتھ گپ شپ کرنا اور ساتھیوں کے ساتھ گھنٹوں اکٹھے رہنا واقعی آرام دہ اور معاون ہے۔ سیاسی ہلچل اور میڈیا کے طعنوں سے بہت دور، اماراتی ریگستان میری روح کو تقویت بخش رہے ہیں۔ میں سب سے درخواست کروں گا کہ متحدہ عرب امارات میں سیاسی…
— Sher Afzal Khan Marwat (@sherafzalmarwat) May 27, 2024
انہوں نے لکھا کہ سیاسی ہلچل اور میڈیا کے طعنوں سے بہت دور اماراتی ریگستان میری روح کو تقویت بخش رہے ہیں۔
شیر افضل مروت نے اپنے چاہنے والوں سے درخواست کی کہ متحدہ عرب امارات میں سیاسی اجتماعات کے لیے مجھ سے رابطہ نہ کریں کیونکہ یہ میرا نجی دورہ ہے۔
انہوں نے کہاکہ میں اس نجی دورے کے دوران فیملی کو وقت دینا چاہتا ہوں۔ ’تیراکی، جم، مالز، عربی کھانے اور کافی میرے شراکت دار ہیں‘۔
انہوں نے کہاکہ متحدہ عرب امارات میں مزید کچھ دن رکنے کا ارادہ ہے، میں اپنے بہترین موڈ میں اور صحت مند ہوں۔ ’اپنے آپ کو مضبوط کرنا چاہتا ہوں، اس لیے مجھے اپنی دعاؤں میں یاد رکھیں‘۔
واضح رہے کہ حال ہی میں پارٹی قیادت سے اختلافات کے باعث شیر افضل مروت کو کور کمیٹی اور سیاسی کمیٹی سے نکال دیا گیا تھا۔
