برطانیہ کے شہر کارڈف میں پاکستان اور انگلینڈ کے درمیان ٹی 20 سیریز جاری ہے، پاکستان اور انگلینڈ کے درمیان تیسرا ٹی 20 میچ بارش کی وجہ سے منسوخ کر دیا گیا، پہلا میچ بارش کی نذر ہوگیا تھا جبکہ دوسرے میچ میں انگلینڈ نے پاکستان کو 23 رن سے شکست دی تھی۔ جس میں قومی کرکٹر شاداب خان نے بدترین کارکردگی کا مظاہرہ کیا تھا۔ انہوں نے 4 اوورز میں 55 رنز دے کر کوئی وکٹ حاصل نہ کی جو ان کے ٹی ٹوئنٹی کیریئر میں اب تک کی بدترین کارکردگی ہے۔
پاکستانی آل راؤنڈر شاداب خان کو خراب فارم کی وجہ سے تنقید کا سامنا ہے۔ گزشتہ روز بارش سے متاثرہ میچ کے بعد شائقین نے شاداب خان کو گھیر لیا ان کے ساتھ تصاویر بنوائیں اور ان کی پرفارمنس کے حوالے سے بات چیت کی۔ ایک خاتون نے شاداب خان کے ساتھ تصویر لیتے ہوئے سوال کیا کہ ’آپ چھکے کیوں کھا رہے ہیں، فارم میں واپس آئیں، وکٹیں لینی ہیں آپ نے‘۔
“ap chakay kyun kha rahe hain form mein wapis ayein wicktein leni hain ap ne” so real https://t.co/YxGCAoc6O7 pic.twitter.com/5DmS5kfXx3
— noor (@pctobssessed) May 28, 2024
ویڈیو پر صارفین کی جانب سے مختلف رد عمل کا اظہار کیا جا رہا ہے، ایک صارف نے لکھا کہ بیرون ملک مقیم پاکستانیوں کو کچھ بنیادی آداب سیکھنے کی ضرورت ہے۔ صارف کا مزید کہنا تھا کہ شاداب کے لیے احترام بڑھ گیا ہے کہ انہوں نے خاتون کی جانب سے سوال پر کسی رد عمل کا اظہار نہیں کیا۔
overseas pakistanis needs to learn some basic manners, respect for shadab uss nay kuch kaha nahi agy se lagta hai saary he youthias ikathy hogye hain phir kehty hain babar azam ka behavior theek nahi tha.. https://t.co/G0DQCdIaeS
— Awais (@AwaisShoukat08) May 28, 2024
ایشا نامی صارف نے خاتون کو آرے ہاتھوں لیتے ہوئے کہا کہ یہ بہت ہی شرمناک ہے، اگر شاداب خان اتنا ہی برا کھلاڑی ہے تو اس کے ساتھ تصاویر کیوں بنوا رہی ہیں، انہوں نے مزید لکھا کہ شاداب خان ایسے سوال پر شرمندہ ہو گیا ہے۔
Yeh aik bhot shameful cheez ha agar itna he bura player ha to us ka sath selfie kuen la raha ho us ko nai pta ka us ke form kharab ha Bechara itna embarrassed ho gya ha. https://t.co/ZMHZKTVj31
— ESHA 🌸 (@pctbrainrot) May 28, 2024
ایک ایکس صارف نے لکھا کہ یہ بہت ذلت آمیز رویہ ہے، آپ نہیں جانتے کہ کوئی کن حالات سے گزر رہا ہے۔ ساتھ ہی انہوں نے شاداب خان کی تعریف کرتے ہوئے لکھا کہ ایسے سوالات پر بھی وہ کتنے پر سکون اور کمپوزڈ ہیں۔
Anyone that finds this ‘funny’ or thinks it was needed deserves a basic lesson on morals and ethics.
This is disgraceful behaviour, you never know what someone is going through.
Love how calm and composed Shadab is. https://t.co/WU2NmO2fFd
— Raz Khan (@razkhan789) May 29, 2024
پاکستان کرکٹ ٹیم کے کپتان بابر اعظم میچ میں شکست کے بعد شاداب خان کی خراب کارکردگی کے باوجود ان کا دفاع کرتے نظر آئے۔ ان کا کہنا تھا کہ کسی کھلاڑی پر بُرے دن کبھی کبھی آجاتے ہیں۔ شاداب جس طرح کا کھلاڑی ہے، ہم جانتے ہیں کہ وہ بیٹنگ، باؤلنگ اور خاص طور پر فیلڈنگ میں ہمارے بہترین کھلاڑیوں میں سے ایک ہے اور وہ آنے والے میچز میں ضرور کم بیک کریں گے۔
واضح رہے پاکستان اور انگلینڈ کے درمیان سیزیز کا آخری ٹی 20 آج کھیلا جائے گا۔ قومی کرکٹ ٹیم یکم جون کو انگلینڈ سے امریکا روانہ ہوگی اور ٹی 20 ورلڈ کپ میں اپنا پہلا میچ 6 جون کو امریکا کے خلاف کھیلے گی۔
بھارتی ٹیم اپنا پہلا میچ 5 جون کو نیو یارک میں آئرلینڈ کے خلاف کھیلے گی، جس کے بعد 9 جون کو روایتی حریف بھارت اور پاکستان کے درمیان بڑا ٹاکرا ہوگا۔
