ناسا کا بغیر پائلٹ والا روسکوسموس پروگریس 88 کارگو خلائی جہاز ہفتہ کے روز بین الاقوامی خلائی اسٹیشن پر کامیابی کے ساتھ لنگر انداز ہو گیا ہے۔
مزید پڑھیں
ناسا کی جانب سے جاری بیان میں کہا گیا ہے کہ کارگو روسکوسموس پروگریس 88 قازقستان میں اپنے لانچ پوائنٹ سے آئی ایس ایس تک تقریباً دو دن کا سفر طے کرنے کے بعد ہفتہ کے روز صبح 7:47 بجے کامیابی کے ساتھ آئی ایس ایس کے ساتھ منسلک ہو گیا ہے۔
کارگو روسکوسموس پروگریس 88 خلائی جہاز قازقستان کے بائیکونور کاسموڈروم سے جمعرات کی صبح 5 بج کر 43 منٹ پر سویوز راکٹ کے ذریعے خلا میں روانہ کیا گیا تھا۔
ناسا کے مطابق خلائی جہاز آئی ایس ایس کے پوسک ماڈیول کی خلائی اسٹیشن پر لنگر انداز ہوا، جہاں یہ زمین پر واپس آنے سے پہلے تقریباً 6 ماہ تک رہے گا۔
کارگو روسکوسموس پروگریس 88 نے آئی ایس ایس پر ایکسپیڈیشن 71 کے عملے کے لیے 3 ٹن رسد ، ایندھن اور خوراک فراہم کی ہے۔
کارگو خلائی جہاز کو اس پر لدے سامان سے خالی کرنے کے بعد ، آئی ایس ایس کا عملہ اگلے 6 ماہ تک اسے کچرے کے ڈھیر کے طور پر استعمال کرے گا۔ اس کے بعد خلائی جہاز کچرے کو ٹھکانے لگانے کے لیے واپس زمین پر آتا ہے۔
ناسا نے آئی ایس ایس مشن کی بھرپور حمایت کی ہے جو سائنس، ٹیکنالوجی اور انسانی جدت طرازی کو یکجا کر کے ایسی تحقیق کرتا ہے جو زمین پر نہیں کی جا سکتی۔
آئی ایس ایس ناسا کے چاند پر تحقیقی مشن اور مریخ پر انسانی تحقیق کی منصوبہ بندی کی بھی حمایت کرتا ہے۔
