وزیرِ اعظم میاں محمد شہباز شریف نے پاکستان کی مسیحی برادری سے تعلق رکھنے والی ہیلن میری رابرٹس کو آرمی میڈیکل کور میں بریگیڈئیر کے رینک پر ترقی پانے پر خصوصی مبارکباد دیتے ہوئے کہا ہے کہ ان کا جذبہ نسل نو کی خواتین کے لیے مشعل راہ ہے۔
مزید پڑھیں
وزیر اعظم آفس کے پریس ونگ سے جاری تہنیتی پیغام میاں محمد شہباز شریف نے کہا کہ ’ ہیلن میری رابرٹس کو پاکستانی اقلیتی برادری سے تعلق رکھنے والی پہلی خاتون بریگیڈئیر بننے پر، مجھ سمیت پوری قوم مبارکباد پیش کرتی ہے۔
انہوں نے اپنے تہنیتی پیغام میں مزید کہا کہ بریگیڈئیر ہیلن میری رابرٹس نے اپنی محنت سے یہ ثابت کیا کہ پاکستانی خواتین کسی بھی میدان میں مردوں سے پیچھے نہیں ہیں۔
وزیر اعظم کا کہنا تھا کہ ’پاکستانی مسیحی برادری سمیت پوری قوم کو بریگیڈئیر ہیلن میری رابرٹس اور اقلیتی برادری سے تعلق رکھنے والی ان جیسی ہزاروں محنتی خواتین پر فخر ہے۔ بریگیڈیئر ہیلن میری رابرٹس کی محنت، لگن اور انسانیت کے لیے خدمت کا جذبہ نسل نو کی خواتین کے لیے مشعل راہ ہے۔
