نائب وزیراعظم اور وزیر خارجہ اسحاق ڈار کو ایران کے قائم مقام وزیر خارجہ علی باقری نے ٹیلی فونک رابطہ کیا ہے جس میں دونوں اطراف کے وزرائے خارجہ نے باہمی دلچسپی کے امور کے علاوہ غزہ کی سنگین صورتحال پر تبادلہ خیال کیا ہے۔
مزید پڑھیں
- غزہ کی صورتحال انتہائی تشویشناک، عالمی طاقتیں مظلوم فلسطینی اور کشمیری عوام کو حق دلائیں، شہباز شریف
دفتر خارجہ کی جانب سے جاری بیان میں کہا گیا ہے کہ دونوں وزرائے خارجہ نے غزہ کی صورتحال پر خصوصاً اسرائیلی افواج کے غزہ میں جاری مظالم پر تبادلہ خیال کیا ہے۔
نائب وزیر اعظم اسحاق ڈار نے غزہ میں نسل کشی کے خاتمے اور فلسطینی عوام کو انسانی امداد فراہم کرنے کے تمام اقدامات کے لیے پاکستان کی مکمل حمایت کا اعادہ کیا۔
