وفاقی وزیر داخلہ محسن نقوی کی خصوصی ہدایت پر انسپکٹر جنرل (آئی جی) اسلام آباد نے سعودی شہریوں سے موبائل چھیننے کی واردات کا سخت نوٹس لیتے ہوئے ملزمان کی جلد گرفتاری کے لیے 4 خصوصی ٹیمیں تشکیل دے دی ہیں۔
مزید پڑھیں
اتوار کو سماجی رابطے کی ویب سائٹ ’ایکس ڈاٹ کام‘ پر وزارت داخلہ کے آفیشل اکاؤنٹ سے شیئر کی گئی پوسٹ میں کہا گیا ہے کہ وفاقی وزیر داخلہ محسن نقوی نے سیکٹر ایف ایٹ میں سعودی عرب کے 2 شہریوں سے لوٹ مار کے واقعہ کا سخت نوٹس لیا ہے۔
وفاقی وزیرداخلہ محسن نقوی کا سکیٹر ایف ایٹ میں 2 سعودی شہریوں سے لوٹ مار کے واقعہ کا نوٹس
وفاقی وزیرداخلہ محسن نقوی کا آئی جی اسلام آبادپولیس علی ناصر رضوی کو فون
وفاقی وزیرداخلہ محسن نقوی نے واقعہ کی تفصیلات لیں۔ ملوث ملزمان کی جلد گرفتاری کا حکم— Ministry of Interior GoP (@MOIofficialGoP) June 2, 2024
پوسٹ میں کہا گیا ہے کہ ’ وفاقی وزیر داخلہ محسن نقوی نے آئی جی اسلام آباد پولیس علی ناصر رضوی کو فون کر کے واقعے کی تفصیلات معلوم کی ہیں اور واقعے کے ملزمان کی جلد گرفتاری کا حکم دیا ہے۔
ادھر ترجمان اسلام آباد پولیس کی جانب سے سماجی رابطے کی ویب سائٹ ’ایکس ڈاٹ کام‘ پر بتایا گیا ہے کہ انسپکٹر جنرل (آئی جی ) اسلام آباد نے وفاقی وزیر داخلہ کی ہدایت کے بعد سخت نوٹس لیتے ہوئے سعودی شہریوں سے موبائل چھیننے والوں ملزمان کی فوری گرفتاری کے لیے 4 خصوصی ٹیمیں تشکیل دی ہیں۔
ترجمان اسلام آباد پولیس ۔
سعودی شہریوں سے موبائل چھیننے کی واردات پر آئی جی اسلام آباد کا سخت نوٹس ۔
4 خصوصی ٹیمیں تشکیل دی گئی ہیں۔
ایس پی (OCU)کو خصوصی ٹاسک سونپا گیا ہے۔
ڈیجیٹل سرویلینس ، سیلولر ٹیکنالوجی اور ہیومن انٹلیجنس کو بروئے کار لایا جارہا ہے۔
جلد ملزمان کو گرفتار…
— Islamabad Police (@ICT_Police) June 2, 2024
ترجمان نے بتایا کہ ایس پی (او سی یو) کو اس حوالے سے خصوصی ٹاسک سونپا گیا ہے، جس میں ڈیجیٹل سرویلینس، سیلولر ٹیکنالوجی اورہیومن انٹلیجنس کو بروئے کار لایا جارہا ہے۔ ترجمان کے مطابق جلد ملزمان کو گرفتار کرلیا جائے گا، شہریوں کے جان و مال کی حفاظت ہماری اولین ترجیح ہے۔