اسلام آباد ہائیکورٹ نے بانی پی ٹی آئی عمران خان اور وائس چیئرمین شاہ محمود قریشی کی سائفر کیس میں سزا کے خلاف اپیل منظور کرتے ہوئے دونوں کی سزا کالعدم قرار دے دی۔ اسلام آباد ہائی کورٹ کے چیف جسٹس عامر فاروق نے مختصر فیصلہ سنایا۔
فیصلہ سنائے جانے کے بعد سوشل میڈیا پر پی ٹی آئی کے حامیوں کی جانب سے عمران خان کے حق میں مختلف تبصروں کا سلسلہ جاری ہے۔
پی ٹی آئی کے آفیشل ٹوئٹر ہینڈل سے عمران خان اور شاہ محمود قریشی کی ایک تصویر شیئر کی گئی جس میں لکھا تھا ’ڈٹ کے کھڑے ہیں ہم‘، ساتھ ہی انہوں نے لکھا کہ آج پھر ثابت ہوگیا کہ عمران خان اور شاہ محمود قریشی نے حکومت قربان کر دی لیکن ملکی سالمیت پر سمجھوتہ نہ کیا۔
اور آج پھر ثابت ہوگیا کہ عمران خان اور SMQ نے حکومت قربان کر دی لیکن ملکی سالمیت پر سمجھوتہ نہ کیا۔ #عوامی_لیڈر_کو_رہا_کرو pic.twitter.com/uvjEMB207f
— PTI (@PTIofficial) June 3, 2024
وقار ملک لکھتے ہیں کہ عمران خان پاکستان کی تاریخ کا پہلا لیڈر ہے جس نے بغیر کسی ڈیل کے میرٹ پر عدالت سے بریت حاصل کی ہے اور یہ تاریخ میں لکھا جائے گا۔
پاکستان کی تاریخ کا پہلا لیڈر جس نے بغیر کسی ڈیل کے میرٹ پہ عدالت سے بریت حاصل کی لکھ اوئے مورخا!!
— Waqar Malik (@RealWaqarMaliks) June 3, 2024
صحافی مغیث علی نے لکھا کہ عمران خان اور شاہ محمود قریشی کے لیے ایک بڑا کیس زمین بوس ہوگیا، پی ٹی آئی کا بیانیہ جیت گیا اور سائفر صفر ہوگیا۔
سائفر صفر ہوگیا، عمران خان اور شاہ محمود قریشی کیلئے ایک بڑا کیس زمین بوس ہوگیا، پی ٹی آئی کا بیانیہ جیت گیا۔۔۔!!! pic.twitter.com/cgpW7gfZ7V
— Mughees Ali (@mugheesali81) June 3, 2024
شاکر محمود اعوان نے کہا کہ سائفر کیس ردی کی ٹوکری میں ڈال دیا گیا ہے۔
سائفر کیس،،، ردی کی ٹوکری میں ڈال دیا گیا ہے،، عمران خان اور شاہ محمود قریشی کی سزا معطل pic.twitter.com/NxTzjtE1GU
— Shakir Mehmood Awan (@ShakirAwan88) June 3, 2024
پاکستان تحریک انصاف کے رہنما عثمان ڈار کی والدہ ریحانہ ڈار نے لکھا کہ حق کی فتح ہوئی ہے، الحمدللہ میرا لیڈر عمران خان پھر سے سرخرو ہوگیا۔ اسلام آباد ہائیکورٹ نے سائفر کیس میں سزاؤں کو معطل کرتے ہوئے عمران خان اور شاہ محمود قریشی کو بری کردیا ہے۔
حق کی فتح ✌️
الحمدللہ میرا لیڈر عمران خان پھر سے سرخرو ہوگیا۔
اسلام آباد ہائیکورٹ نے سائفر کیس میں سزاؤں کو معطل کرتے ہوئے عمران خان اور شاہ محمود قریشی کو بری کردیا۔#خان_زنداں_میں_بھی_سرخرو pic.twitter.com/gUppvsVNoq— Rehana Dar (@RehanaImtiazDar) June 3, 2024
ثمینہ عارف نے پوچھا کہ سائفر والے معاملے میں اب عمران خان سے معافی کون مانگے گا؟
اب سائفر والے معاملے میں عمران خان سے معافی کون مانگے گا؟؟؟
— Samina Arif (@SaminaArif21) June 3, 2024
واضح رہے کہ ٹرائل کورٹ نے عمران خان اور شاہ محمود قریشی کو سائفر کیس میں 10،10 سال قید کی سزا سنائی تھی۔
