انڈیا میں مرحلہ وار ووٹنگ کے بعد بھارتی لوک سبھا کی 543 نشستوں کے غیرحتمی نتائج آنا شروع ہوگئے ہیں اور اب تک کے نتائج کے مطابق بھارتیہ جنتا پارٹی کی سربراہی میں حکمران اتحاد نیشنل ڈیموکریٹک الائنس (این ڈی اے) نے 297 سیٹوں پر کامیابی حاصل کی ہے۔
دوسری طرف کانگریس کی سربراہی میں اپوزیشن اتحاد (انڈیا) نے اب تک 227 نشستوں پر کامیابی حاصل کی ہے۔ بھارتی لوک سبھا میں حکومت بنانے کےلیے کسی بھی جماعت کو 272 سیٹیں درکار ہیں۔ حکمران اتحاد کی جیت کی صورت میں 73 سالہ مودی مسلسل 3 بار وزارت عظمیٰ کا منصب سنبھالنے والے دوسرے وزیراعظم بن جائیں گے۔
بھارتی انتخابات پر سوشل میڈیا صارفین مختلف تبصرے کررہے ہیں، کوئی اپنی جماعت کو جیتتا دیکھ کر خوشی کا اظہار کررہا ہے تو کوئی انتخابات پر سوالات اٹھا رہا ہے۔
ایک بھارتی صارف نے الیکشن کے حوالے سے جاری ٹرانسمیشن کی ویڈیو شیئر کی جس میں مختلف اینکرز بیٹھے گفتگو کررہے ہیں۔ صارف نے ان کو مخاطب کرتے ہوئے لکھا کہ بی جے پی کے کارکن زیادہ نشستیں لینے پر خوشی کا اظہار کررہے ہیں۔
Happiness of BJP Workers.#ElectionsResults pic.twitter.com/2kNZKTuURa
— Nimo Tai (@Cryptic_Miind) June 4, 2024
اریشہ نامی صارف نے سوال کیا کہ کیا پاکستان کی طرح ہندوستان میں بھی انتخابی نتائج آدھی رات کو تبدیل ہوجاتے ہیں؟
Quick question: does the Indian election results also change in the middle of the night?!
— Areesha (@AreeshaPervez) June 4, 2024
ایک بھارتی صارف نے لکھا کہ الیکشن نتائج سے پہلے راہول گاندھی نے 295 سیٹیں جیتنے کا دعویٰ کیا تھا لیکن ہم یہ سمجھنے میں ناکام رہے کہ وہ اصل میں نیشنل ڈیموکریٹک الائنس (این ڈی اے) کا حوالہ دے رہے تھے۔
Rahul Gandhi keeps mentioning 295… 295.
We failed to interpret that he was referring to the NDA. 👀#IndiaElections #ElectionsResults pic.twitter.com/j20D8cpKvK
— Sann (@san_x_m) June 4, 2024
روی تیجا نے سوال کیا کہ نریندر مودی اور راہول گاندھی میں ٹکر کا مقابلہ ہے آپ کے خیال میں حکومت کون بنائے گا؟
🔴🔴🔴 Very close gap between both the fronts, who do you think will form the government..? #NDA #INDIA #IndiaElections pic.twitter.com/LQWy0h5NVR
— Ravi Teja (@Brs_Teja) June 4, 2024
پاکستانی اداکارہ اور سوشل میڈیا انفلوینسر سحر شنواری نے لکھا کہ انڈیا کے اگلے وزیراعظم راہول گاندھی ہوں گے۔
Pradhan Mantri of Bharat Shri Rahul Gandhi Ji ❤️❤️
— Sehar Shinwari (@SeharShinwari) June 4, 2024
انڈیا میں کچھ رہنما ایسے بھی ہیں جو جیل سے انتخابات لڑ رہے ہیں جن میں دہلی کے وزیراعلیٰ اروند کیجریوال بھی شامل ہیں جنہوں نے الیکشن تک ملنے والی ضمانت ختم ہونے پر واپس گرفتاری دے دی۔ ان کے حوالے سے ایک ایکس صارف نے میم شیئر کرتے ہوئے لکھا کہ اروند کیجریوال جیل سے بیٹھ کر الیکشن کے نتائج دیکھ رہے ہیں۔
Arvind kejriwal watching election results from Tihad jail. #ElectionsResults pic.twitter.com/TTz9m8Lh1p
— Prayag (@theprayagtiwari) June 4, 2024
ایک بھارتی ایکس صارف نے کہا کہ راہول گاندھی رائے بریلی اور وائناڈ دونوں سیٹوں سے جیت رہے ہیں اور راہول گاندھی ہی ہندوستان کے نئے وزیراعظم بنیں گے۔
Rahul Gandhi is leading from both Seats Raibareli as well as Waynad 🔥🔥
We are going to witness history today as Rahul Gandhi will become new PM of INDIA 🇮🇳 🔥#ElectionsResults #INDIAAlliance #India_जीत_रहा_है #DhruvRathee pic.twitter.com/7d5hfctAJa
— Dhruv Rathee (Parody) (@dhruvrahtee) June 4, 2024
واضح رہے کہ مودی حکمران جماعت بھارتیہ جنتا پارٹی (بی جے پی) کو 2014 اور 2019 میں بھاری اکثریت سے کامیابیاں دلوا چکے ہیں۔ 2019 میں نریندر مودی کی قیادت والے اتحاد این ڈی اے نے کل 353 نشستیں حاصل کی تھیں۔
بی جے پی نے تنہا 303 سیٹیں جیتی تھیں جبکہ کانگریس کو 52 سیٹیں ملی تھیں۔ کانگریس کی قیادت والی یو پی اے اتحاد نے کل 92 سیٹیں حاصل کی تھیں۔
اگر 2014 کی بات کریں تو بی جے پی کو 282 اور این ڈی اے کو 336 سیٹیں ملی تھیں اور بی جے پی مضبوطی کے ساتھ حکومت میں آئی تھی۔ دوسری جانب 10 سال تک کامیابی کے ساتھ حکومت کرنے والی کانگریس کو 44 اور یو پی اے کو 59 سیٹیں ملی تھیں۔
یاد رہے کہ انڈیا میں انتخابی عمل کی ابتدا 16 مارچ کو انتخابات کی تاریخوں کے اعلان کے ساتھ ہوئی اور پہلے مرحلے کے لیے 19 اپریل کو ووٹنگ شروع ہوئی اور یہ عمل 4 جون کو نتائج کے اعلان کے ساتھ ختم ہوجائے گا۔