آئی سی سی ٹی20 ورلڈ کپ میں آج کے میچ میں اسکاٹ لینڈ اور انگلینڈ کے درمیان میچ بارش کے باعث منسوخ کردیا گیا۔
اس سے قبل میچ کو 10 اوورز تک محدود کردیا گیا تھا اور اسکاٹ لینڈ نے پہلے کھیلتے ہوئے انگلینڈ کو جیت کے لیے 109 رنز کا ہدف دیا تھا۔
Game 🔛 in Barbados! 🌴
Scotland have won the toss and elected to bat first against England.#T20WorldCup | #ENGvSCO | 📝: https://t.co/g1xPpoDYh0 pic.twitter.com/y6hyfmlFPA
— ICC (@ICC) June 4, 2024
برج ٹاؤن ویسٹ انڈیز میں کھیلے گئے میچ میں اسکاٹ لینڈ کے کپتان نے ٹاس جیت کر پہلے بیٹنگ کا فیصلہ کیا تو 6.2 اوورز میں 51 کے مجموعی اسکور پر بارش شروع ہوگئی جس کے باعث میچ کو روکنا پڑا، تاہم جب بارش رکی تو میچ 10 اوورز تک محدود کردیا گیا۔
اسکاٹ لینڈ کی جانب سے مائیکل جونز نے 45 اور جارج مونسی نے 41 رنز کی نمایاں اننگز کھیلی۔
یاد رہے کہ اس سے قبل منگل کو ہی ورلڈ کپ کے پانچویں میچ میں افغانستان نے یوگنڈا کو 125 رنز سے ہرا دیا تھا۔
