بہروز سبزواری ایک مشہور پاکستانی ٹیلی ویژن اور فلمی اداکار ہیں، اکثر ٹیلی ویژن اور سوشل میڈیا پر مختلف پروگراموں میں مہمان کے طور پر جلوہ گر ہوتے رہتے ہیں، لیکن کچھ روز قبل وہ ایک پوڈ کاسٹ میں آئے جہاں انہوں نے سابق وزیر اعظم عمران خان جو اس وقت جیل میں موجود ہیں کہ حوالے سے ایک نیا پنڈورا باکس کھول دیا ہے۔
View this post on Instagram
عدنان فیصل کی میزبانی میں ایف ایچ ایم کے پوڈ کاسٹ میں بہروز سبزواری نے سابق وزیر اعظم عمران خان سے اپنی دوستی کا اظہار کیا اور ان کے بارے میں کھل کر بات کرتے ہوئے کہا کہ عمران خان کو نشے جیسی کوئی لت نہیں ہے لیکن وہ ان کے ساتھ شراب پی چکے ہیں۔
عمران خان کو بلاوجہ بدنام کیا ہوا ہے، بہروز سبزواری 😂 pic.twitter.com/dIma7WVkJE
— Wajahat Kazmi (@KazmiWajahat) June 3, 2024
مزید پڑھیں
انہوں نے کہا کہ یہ لوگ ان کو بدنام کرنے کی کوشش کرتے ہیں کہ وہ کوکین کے عادی ہیں لیکن ایسا ہرگز نہیں ہے، عمران خان سے 24 سال پرانا تعلق ہے، جب بھی کبھی بیٹھے تو انہوں نے ایک ڈرنک سے زیادہ شراب نہیں پی۔
بہروز سبزواری کی جانب سے یہ بیان سامنے آنے کی دیر تھی کہ سوشل میڈیا پر صارفین نے تنقید کے نشتر چلانے شروع کردیے جن میں مشہور اداکار اور اداکارائیں بھی شامل ہیں۔ حال ہی میں خوبرو اور مشہور اداکارہ حنا بیات نے اپنے انسٹاگرام اکاؤنٹ پر بہروز سبزواری کو آڑے ہاتھوں لیتے ہوئے کہا کہ کام کو پذیرائی نہ مل رہی ہو تو میڈیا کی زینت بننے کے لیے دوسروں کا سہارا لیا جارہا ہے۔
انہوں نے کہا کہ اب ایک نیا ٹرینڈ شروع ہوچکا ہے، کہ سوشل میڈیا پر آپ کے کام کی تعریف نہیں کی جاتی ہے یا آپ کو زیادہ اہمیت نہیں دی جاتی ہے، تو آپ کو صرف ایک پوڈ کاسٹ پر حاضر ہونا ہے، کسی مشہور شخصیت کا نام لینا ہے اور ان کو بدنام کرنے کی کوشش شروع کردینی ہے۔ ایسا کرنے سے دوسرے شخص کی عزت تو داغدار ہوجاتی ہے لیکن یہ آپ کے حق میں بہتر ہوجاتا ہے کیوںکہ آپ وائرل ہو جاتے ہیں۔
حنا بیات کے اس جرات مندانہ اور دلیر اقدام پر مداحوں نے ان کی تعریف کی اور خوب تبصرے کرتے ہوئے ان کے اس بیان کو سراہا بھی ہے۔
واضح رہے حنا بیات اور بہروز سبزواری نے حال ہی میں جیو ٹی وی کے مشہور ڈرامہ سیریل خمار میں ایک ساتھ کام کیا ہے جس میں بہروز سبزواری نے حنا بیات کے شوہر کا کردار ادا کیا تھا، اس کے علاوہ بھی دونوں اداکاروں کے درمیان ایک اچھا اور دوستی کا رشتہ سمجھا جاتا ہے۔