آئی سی سی ٹی20 ورلڈ کپ کے آج کے میچ میں بھارت نے ٹورنامنٹ کا فاتحانہ آغاز کرتے ہوئے آئرلینڈ کو 8 وکٹوں سے شکست دے دی۔
آئرلینڈ کے 97 رنز کا ہدف بھارتی ٹیم نے 13ویں اوور میں 2 وکٹوں کے نقصان پر پورا کرلیا۔
An all-round display from India in New York earns them two valuable #T20WorldCup 2024 points 👏#INDvIRE | 📝: https://t.co/U6miLyGgBf pic.twitter.com/Rl4oex1C2N
— ICC (@ICC) June 5, 2024
آج کا میچ نیویارک کے نساؤ کاؤنٹی میدان میں کھیلا گیا جہاں بھارتی کپتان روہت شرما نے ٹاس جیت کر آئرلینڈ کو پہلے بیٹنگ کی دعوت دی۔
آئرلینڈ کی ٹیم بھارتی بولنگ کے سامنے ریت کی دیوار ثابت ہوئی اور پوری ٹیم 16 اوور 96 رنز بنا کر پویلین لوٹ گئی۔
آئرلینڈ کے بیٹر گیرتھ ڈیلنی 26 جبکہ جوشوا لٹل 14 رنز بناکر نمایاں رہے، اس کے بعد ہر کھلاڑی وکٹ پر آتا اور جاتا رہا۔
بھارت کی جانب سے ہاردک پانڈیا نے 3 کھلاڑیوں کو پویلین بھیجا جبکہ ارشدیپ سنگھ اور بمبراہ کے حصے میں 2،2 وکٹیں آئیں۔
آئرلینڈ کے 97 رنز کے ہدف کے تعاقب میں بھارت نے 12.2 اوورز میں ہدف حاصل کرلیا۔
بھارتی کپتان روہت شرما نے 52 رنز کی شاندار اننگز کھیلی اور نمایاں بیٹر رہے جبکہ رشبھ پنگ نے 36 رنز اسکور کیے۔