وزیراعظم شہباز شریف نے کہا ہے کہ پاکستان اور چین کی دوستی بے مثال ہے جو ہر آزمائش پر پوری اتری ہے۔
مزید پڑھیں
بیجنگ میں پاک چائنا فرینڈشپ اینڈ بزنس ریسیپشن سے خطاب کرتے ہوئے وزیراعظم شہباز شریف نے کہا کہ پاک چین دوستی کی کہیں مثال نہیں ملتی، پاک چین دوستی ہر موقع پر ثابت ہوئی ہے، انہوں نے کہا کہ پاک چین دوستی خلوص پر مبنی ہے، اس دوستی میں کسی کے ذاتی مفادات نہیں۔
شہباز شریف نے کہا کہ چین کی قلیل مدت میں ترقی ہمارے لیے مشعل راہ ہے، اپنے لوگوں کو بنیادی ضروریات کی فراہمی چین کی کامیابی ہے۔
انہوں نے کہا کہ بشام میں چینی انجینئرز پر حملہ ملک دشمن عناصر نے کیا، یہ حملہ انہوں نے کیا جو پاک چین دوستی اور سی پیک کے دشمن ہیں۔
انہوں نے کہا کہ چین نے سخت محنت سے تمام تر کامیابیاں حاصل کی ہیں، پاکستانیوں کو چین اور اس کے شہریوں کی جدوجہد کا علم ہے۔ انہوں نے کہا کہ چین کی سالانہ تجارت کا حجم کھربوں ڈالر کا ہے جبکہ پاکستان کی سالانہ تجارت کا حجم 30 سے 40 ارب ڈالر کے درمیان ہے۔
شہباز شریف نے کہا کہ چین کا انفارمیشن ٹیکنالوجی اور آرٹیفیشل ٹیکنالوجی کے میدان میں آج دنیا میں ایک مقام ہے، چین اور پاکستان کا اسپیس پروگرام میں باہمی تعاون شاندار ہے مگر پاکستان کی ترقی کی صورتحال دیکھ کر کیا ہمیں مایوس ہونا چاہیے۔
انہوں نے کہا کہ ہمیں مایوس ہونے اور ہاتھ پر ہاتھ دھر کے بیٹھنے کے بجائے چین کی جدوجہد اور ترقی سے سیکھنا چاہیے، ان کے ترقی کو ماڈل کو اپنا کر ہم چند برسوں میں اپنی کھوئی ہوئی ساکھ حاصل کرلے گا اور چین کی طرح دنیا میں اس کی عزت ہوگی۔
انہوں نے کہا کہ بشام میں چینی انجینئرز پر حملہ ملک دشمن عناصر نے کیا، یہ حملہ انہوں نے کیا جو پاک چین دوستی اور سی پیک کے دشمن ہیں۔
