پاکستان کے معروف مصنف، مزاح نگار اور میزبان انور مقصود کو کینیڈا کی حکومت نے کِنگ چارلس پِن ایوارڈ سے نوازا ہے۔
پاکستانی نژاد کینیڈین رکنِ پارلیمنٹ شفقت علی نے حکومتِ کینیڈا کی جانب سے کلچر، آرٹ اور لٹریچر کے شعبے میں اعلیٰ خدمات انجام دینے کے اعتراف میں انور مقصود کو سرکاری پِن اور سرٹیفیکیٹ پیش کیا ہے۔
کینیڈا کی حکومت نے پاکستانی لیجنڈری مصنف انور مقصود کو کِنگ چارلس پِن ایوارڈ سے نوازا دیا۔ pic.twitter.com/S5I9HB4bbT
— Sohail Mehar PTI 🐦 (@SohailM28306806) June 8, 2024
کینیڈین رکنِ پارلیمنٹ شفقت علی کا کہنا تھا کہ حکومتِ کینیڈا پاکستانی لیجنڈ انور مقصود کی اردو ادب اور آرٹ میں خدمات کو سراہتی ہے اور وہ پاکستان کی ایک مثبت تصویر ہیں۔
انہوں نے کہاکہ پوری دنیا میں موجود پاکستانی کمیونٹی اور پورے پاکستان کو ان پر فخر ہے، شفقت علی کا کہنا تھا کہ میرا اعزاز ہے کہ میں انور مقصود کو حکومتِ کینیڈا کی طرف سے خوش آمدید کہہ رہا ہوں اور کینیڈا میں ان کے کامیاب شوز پر مبارکباد پیش کرتا ہوں۔
اس موقع پر انورمقصود کا کہنا تھا کہ پاکستان میری پہچان ہے، اس اعزاز پر میں اپنی اور اپنے اہلِ خانہ کی طرف سے کینیڈا کا شکرگزار ہوں۔
