شہری غلام محمد کی جانب سے اپنے لاپتا بیٹے ہارون محمد کی بازیابی کے لیے دائر درخواست کی سماعت پر اسلام آباد ہائیکورٹ نے وفاقی حکومت کو آئندہ سماعت سے قبل درخواست گزار کو 30 لاکھ روپے معاوضہ دینے کی ہدایت کی ہے۔
مزید پڑھیں
اسلام آباد ہائیکورٹ کی جانب سے لاپتا افراد کی بازیابی سے متعلق ایک اور درخواست کی سماعت کے دوران جسٹس میاں گل حسن اورنگزیب نے وفاقی حکومت کو آئندہ سماعت سے قبل درخواست گزار کو 30 لاکھ روپے معاوضہ ادا کرنے کی ہدایت کردی۔
درخواست گزار کی وکیل ایمان مزاری نے عدالت کو بتایا کہ درخواست گزار کی فیملی کو مقدمہ لڑنے پر دھمکیاں مل رہی ہیں جس پر عدالت نے آئی جی خیبرپختونخوا کو اس شکایت کے پیش نظر درخواست گزار کو سیکیورٹی فراہم کرنے کی ہدایت کی ہے۔
درخواست گزار کی جانب سے ایمان زینب مزاری جبکہ وفاقی حکومت کی جانب سے ایڈیشنل اٹارنی جنرل منور اقبال دوگل عدالت کے سامنے پیش ہوئے، جسٹس میاں گل حسن اورنگزیب نے سیکورٹی اہلکاروں کے خلاف مقدمہ درج کرنے کی ہدایت کرتے ہوئے کیس کی سماعت 2 ہفتے تک ملتوی کردی ہے۔
