عمران ریاض کی گرفتاری: ’حج پر جانے والے کو روکنا طاقت نہیں کمزوری کا اعتراف ہے‘

معروف یوٹیوبر عمران ریاض خان کو حج پر روانگی سے قبل ایئرپورٹ سے گرفتار کر لیا گیا۔ عمران ریاض کے وکیل اظہر صدیقی کا کہنا تھا کہ عمران ریاض کو پولیس کے ہمراہ موجود سادہ لباس میں ملبوس افراد نے گرفتار کیا ہے، انہوں نے ہمارے گارڈز اور گاڑی پر بھی حملہ کیا اور ڈرائیور کا فون بھی چھین لیا۔

عمران ریاض نے گرفتاری سے قبل سماجی رابطوں کی سائیٹ ایکس پر ایک ٹویٹ کرتے ہوئے کہا تھا کہ اطلاعات مل رہی ہیں کہ ایئر پورٹ پر غیر معمولی نفری ہے، انہوں نے خدشہ ظاہر کیا تھا کہ انہیں حج پر جانے سے روکنے کی کوشش کی جا سکتی ہے۔

اپنے پیغام میں ان کا کہنا تھا کہ مجھے حج سے روکنے کے لیے گرفتار کرنا چاہتے ہیں تو بھی میں تیار ہوں حالانکہ میں تمام کیسز میں ضمانت پر ہوں اور کسی کیس میں مطلوب نہیں ہوں، جب جب کسی عدالت نے طلب کیا میں پیش ہوا اور کیسز کا سامنا کیا۔ نہ کبھی بھاگا، نہ مفرور ہوا اور نہ ہی اشتہاری ہوں۔

اطلاعات مل رہی ہیں کہ ائیر پورٹ پر غیر معمولی نفری ہے ،مجھے روکنے کی ایک اور کوشش کی جا سکتی ہے ،
میرے اللہ گواہ رہنا کہ میں نے اپنی ہر ممکن کوشش کی ۔۔۔۔
میں ائیر پورٹ کی طرف جارہا ہوں ،
مجھے حج سے روکنے کے لیے گرفتار کرنا چاہتے ہیں تو بھی میں تیار ہوں حالانکہ میں تمام کیسز میں…

— Imran Khan (@ImranRiazKhan) June 11, 2024

گرفتاری سے قبل ریکارڈ کروائی گئی ویڈیو میں عمران ریاض خان نے کہا کہ اگر مجھے آج گرفتار کرلیا گیا تو آپ یہ ویڈیو دیکھ سکیں گے۔ میں 2022 میں حج پر جانا چاہتا تھا مجھے گرفتار کرلیا گیا، پھر میں نے 2023 میں حج پر جانا تھا مجھے اغوا کرلیا گیا، مجھے جہاں رکھا گیا میں دیواروں پہ ٹکریں مار کر انہیں بار بار کہتا تھا کہ مجھے حج پر جانے دیں۔

ان کا کہنا تھا کہ اب گزشتہ 2 ماہ سے دفتروں کے چکر کاٹ رہا تھا۔ 5 بار حج کے ٹکٹ لے چکا ہوں، یہ ریفینڈ بھی نہیں ہوتے، میں انہیں جانتا ہوں جو مجھے پکڑنا چاہتے ہیں۔ میں پاکستان میں رہنا چاہتا ہوں، میرا اللہ اس بات کا گواہ ہے کہ میں نے اس کے گھر جانے کے لیے بہت کوشش کی اور زور لگایا۔ میں حج کی نیت سے جا رہا ہوں اور حج کرکے واپس آؤں گا۔ میں نے واپسی پر عدالت میں پیش ہونا ہے، قانون کی ایک بھی خلاف ورزی نہیں کی۔

ائیر پورٹ جانے سے پہلے @ImranRiazKhan کا ریکارڈ کرایا گیا پیغام ۔۔
pic.twitter.com/isNx9yLTnN

— PTI (@PTIofficial) June 11, 2024

عمران ریاض کی گرفتاری پر صارفین کی جانب سے شدید رد عمل دیکھنے میں آ رہا ہے، صحافی حامد میر کا کہنا تھا کہ عدالت کی اجازت سے حج پر جانے والے کو روکنا دراصل اپنی طاقت کا نہیں کمزوری کا اعتراف ہے۔ نیتوں کا حال صرف اللّٰہ جانتا ہے احرام میں ملبوس مسلمان کو گرفتار کرنے والے یہ بھول گئے کہ دنیا فانی ہے سب نے اپنے اللّٰہ کے پاس جانا ہے اور وہاں سب کا حساب ہو گا۔

عدالت کی اجازت سے حج پر جانے والے کو روکنا دراصل اپنی طاقت کا نہیں کمزوری کا اعتراف ہے نیتوں کا حال صرف اللّٰہ جانتا ہے احرام میں ملبوس مسلمان کو گرفتار کرنے والے یہ بھول گئے کہ دنیا فانی ہے سب نے اپنے اللّٰہ کے پاس جانا ہے اور وہاں سب کا حساب ہو گا https://t.co/9bD5JEjAXq

— Hamid Mir حامد میر (@HamidMirPAK) June 12, 2024

صحافی معید پیرزادہ کا کہنا تھا کہ عمران ریاض کے ساتھ یہ کیوں کیا جا رہا ہے؟ عمران ریاض نے ہر صورت واپس آنا تھا، سعودی عرب سے امریکا اور یورپ کے ویزے نہیں لگتے۔ ان کا کہنا تھا کہ عمران کو علاج کے لیے امریکی ڈاکٹروں کی طرف سے بہت سی آفرز تھیں مگر انہوں نے انکار کر دیا تھا، پاکستان چھوڑ کے باہر رہنے کا چانس بھی نہیں تھا پھر چوھدری نظام دین کا سسٹم یہ سب کچھ کیوں کر رہا ہے، کچھ سمجھ نہیں آرہا؟

عمران ریاض کے ساتھ یہ کیوں کیا جا رہا ہے؟ عمران ریاض نے ہر صورت واپس آنا تھا، سعودی عرب سے امریکہ اور یورپ کے ویزے نہیں لگتے! عمران کو علاج کے لئے امریکی ڈاکٹروں کی طرف سے بہت سی آفرز تھیں مگر اس نے انکار کر دیا تھا، اور عمران کو اس کا بہت شدت سے احساس ہے کہ وہ اپنے ماں باپ کو… pic.twitter.com/AOVtNB17d1

— Moeed Pirzada (@MoeedNj) June 12, 2024

سابق وفاقی وزیر فواد چوہدری کا کہنا تھا کہ عمران ریاض کی اس طرح احرام میں گرفتاری عدالتی نظام کے منہ پر طمانچہ ہے۔ انہوں نے تنقید کرتے ہوئے کہا کہ حکومت فیصلہ کر لے عدالتی نظام برقرار نہیں رکھنا تو جج صاحبان کو گھر بھیج دیا جائے اور اختیارات پولیس کو سونپ دیں۔

عمران ریاض کی اس طرح احرام میں گرفتاری عدالتی نظام کے منہ پر طمانچہ ہے۔۔ ، حکومت فیصلہ کر لے عدالتی نظام برقرار نہیں رکھنا تو جج صاحبان کو گھر بھیج دیا جائے اور اختیارات پولیس کو سونپ دیں ۔۔

— Ch Fawad Hussain (@fawadchaudhry) June 12, 2024

اینکر امیر عباس نے کہا کہ 2 سالہ فسطائی دور میں عمران ریاض خان کو کو چوتھی بار اُٹھایا گیا ہے اور رات تو انتہا ہی ہو گئی لیکن قاضی پھر بھی پوچھے گا کہ عمران ریاض کون ہے میں تو نہیں جانتا۔

دو سالہ فسطائی دور میں #ImranRiazKhan کو چوتھی بار اُٹھایا گیا ہے اور رات تو انتہا ہی ہو گئی لیکن قاضی پھر بھی پوچھے گا کہ عمران ریاض کون ہے میں تو نہیں جانتا

— Ameer Abbas (@ameerabbas84) June 12, 2024

یاد رہے کہ 3 جون 2024 کو بھی عمران ریاض خان کو ایئر پورٹ پر حج کے لیے روانگی سے روک دیا گیا تھا۔ ایئرپورٹ اسٹاف نے عمران ریاض خان کو دستاویزات چیک کرتے ہوئے آگاہ کیا تھا کہ ان کا نام ای سی ایل میں موجود ہے۔

واضح رہے کہ چیف جسٹس اسلام آباد ہائیکورٹ جسٹس عامر فاروق نے 29 مئی کوعمران ریاض خان کو حج پر جانے کی اجازت دی تھی۔