امریکی ریاست فلوریڈا میں شدید بارشوں کے بعد سیلابی صورتحال ہے، طوفانی بارشوں اور سیلابی صورتحال کے باعث فلوریڈا میں ایمرجنسی نافذ کر دی گئی ہے۔ جس کی وجہ سے آئی سی سی ٹی20 ورلڈکپ کے شیڈول میچز متاثر ہونے کا خدشہ ہے۔
فلوریڈا میں طوفان کے سبب پاکستانی ٹیم کی سپر8 میں رسائی خطرے میں پڑتی جا رہی ہے۔ پاکستان کو اگر ورلڈکپ کی دوڑ میں شامل رہنا ہے تو اس کے لیے ضروری ہے کہ امریکا اور آئرلینڈ کو کامیابی ملے۔
فلوریڈا میں سیلابی صورتحال کے بعد صارفین آئی سی سی کو تنقید کا نشانہ بنا رہے ہیں کہ میچز فلوریڈا میں ہی شیڈول کیوں کیے گئے جبکہ چند صارفین ایسے بھی ہیں جومیچز کی دوسرے وینیو پر منتقلی کا مطالبہ کر رہے ہیں۔
ایک صارف نے لکھا کہ 2 ہفتے قبل کی سیلاب وارننگ کے باوجود آئی سی سی نے فلوریڈا میں میچز کیوں شیڈول کیے۔ انہوں نے آئی سی سی کو تنقید کا نشانہ بناتے ہوئے کہا کہ پتہ نہیں ان کا ایسا کرنے کا مقصد کیا تھا۔
Don't know what objective the @ICC has achieved by scheduling all the washout games in Florida despite the flood warning 2 weeks ago. True promotors of cricket 😍😍 pic.twitter.com/89slST2t6R
— Hassan Abbasian (@HassanAbbasian) June 13, 2024
سپورٹس جرنلسٹ فرید خان نے کہا کہ اگر پورے ہفتے بارش کی پیش گوئی ہوتی ہے تو آئی سی سی کو میچز فلوریڈا سے ڈیلاس، ٹرینیڈاڈ، انٹیگوا یا بارباڈوس منتقل کر دینے چاہیئں کیونکہ شائقین کرکٹ دیکھنا چاہتے ہیں واش آؤٹ نہیں۔ ان کا مزید کہنا تھا کہ اس موسم میں فلوریڈا میں کوئی میچ شیڈول نہیں ہونا چاہیے تھا۔
If there's rain predicted throughout the week, the ICC should move the matches away from Florida. Shift them to Dallas, Trinidad, Antigua or Barbados. Fans want to see cricket, not washouts. In this weather, no matches should have been scheduled in Florida 🙏🏼 #T20WorldCup
— Farid Khan (@_FaridKhan) June 13, 2024
ایک ایکس صارف کا کہنا تھا کہ رواں ہفتے فلوریڈا میں زیادہ کرکٹ نہیں کھیلی جائے گی۔ انہوں نے سری لنکا، پاکستان اور آئرلینڈ کو ایڈوانس میں ہی گڈ بائے بول دیا۔ صارف نے مزید کہا کہ جب آئی سی سی کو علم ہے کہ بارش ہونے والی ہے تو وہ میچز کو دوسرے وینیوز پر منتقل کیوں نہیں کرتا؟
Won’t be too much cricket in Florida this week …
… goodbyes in advance to @OfficialSLC @TheRealPCB & @cricketireland
Knowing that there is rain coming why doesn’t the @icc either move games to other venues or schedule rest days??#ThanksICC pic.twitter.com/CmyR55jYM0
— Larry Leprechaun (@LarryLeprechau) June 11, 2024
طاہر چوہدری نے فلوریڈا کی موجودہ سیلابی صورتحال کی ایک ویڈیو پوسٹ کرتے ہوئے کہا کہ اگر پاکستان امریکا سے میچ جیت جاتا تو سپر8 میں جانے کے لیے اگر مگر کی نوبت نہ آتی۔
اگر امریکہ سے میچ جیتا ہوتا تو اگر مگر کی نوبت نہ آتی فلوریڈا کی موجودگی صورتحال pic.twitter.com/Hp1FMGRi2T
— طاہر چوہدری (@chtahirfayyaz) June 13, 2024
واضح رہے کہ کل بروز جمعہ 14 جون کو امریکا اور آئرلینڈ کا اہم مقابلہ فلوریڈا میں ہونا ہے جو کہ بارش سے متاثر ہونے کا خدشہ ہے۔ میچ نہ ہونے کی صورت امریکا اور آئرلینڈ کو ایک ایک پوائنٹ مل جائے گا اور یوں امریکہ سپر ایٹ کے لیے کوالیفائی کر جائے گا جبکہ پاکستان ایونٹ سے باہر ہو جائے گا۔
