کالعدم ٹی ٹی پی کا دہشتگرد کمانڈر عبدالمنان عرف حکیم اللہ افغانستان میں قتل

شوریٰ ممبر کالعدم ٹی ٹی پی مالاکنڈ (سوات) دہشتگرد کمانڈر عبدالمنان عرف حکیم اللہ کو افغانستان کے شہر کنڑ میں نامعلوم افراد نے قتل کردیا۔ ذرائع کے مطابق عبدالمنان ٹی ٹی پی کے عظمت اللہ محسود مالاکنڈ کا ذاتی معاون اور باجوڑ میں دہشت گرد ٹیمیں بھیجنے کا انچارج مقرر کیا گیا تھا۔

دہشتگرد کمانڈرعبدالمنان عرف حکیم اللہ کو نامعلوم افراد نے چاغا سرائے، ضلع اسد آباد، کنڑ، افغانستان میں ٹارگٹ کرکے قتل کیا۔ عبدالمنان باجوڑ میں ٹارگٹ کلنگ، آئی ای ڈی دھماکوں، پوسٹوں پر حملے اوربھتہ خوری سمیت ہر قسم کی دہشت گردانہ کارروائیوں میں ملوث تھا۔

ذرائع کے مطابق عبدالمنان کو18 جون کو سہ پہر 3 بجے ڈھیراکئی میں دفنا دیا گیا ہے۔

ایسے ہائی پروفائل ٹی ٹی پی کمانڈر کی ہلاکت پاکستان کے لیے نیک شگون ہے۔ پاکستان کی ریاست اورعوام ہر قسم کی دہشت گردی کا مقابلہ کرنے کے لیے پرعزم ہیں۔