وزیراعلیٰ پنجاب مریم نواز شریف نے 3 روزہ خصوصی صفائی مہم میں شامل عملے کے لیے ایک ماہ کی تنخواہ بطور انعام دینے کا اعلان کیا ہے۔
مزید پڑھیں
اپنے خصوصی پیغام میں وزیراعلیٰ پنجاب مریم نواز شریف نے عید صفائی مہم کی تمام ٹیم کی خدمات کو سراہتے ہوئے کہا، ‘شاباش ٹیم پنجاب، شاباش’۔
وزیراعلیٰ پنجاب نے کہا، ‘آپ نے عوام کی مثالی خدمت کرکے ‘ستھرا پنجاب’ کی نئی تاریخ لکھ دی ہے۔
انہوں نے کہا کہ شدید گرمی میں جس طرح آپ نے عوام کی خدمت کی، وہ قابل تعریف اور قابل فخر ہے۔
وزیراعلیٰ پنجاب نے تمام میونسپل اداروں، ویسٹ مینیجمنٹ کمپنیوں، لاہور ویسٹ مینیجمنٹ کمپنی سمیت تمام افسران اور عملے کو بھی خراج تحسین پیش کیا۔
اپنے پیغام میں وزیراعلیٰ پنجاب مریم نواز شریف نے منتخب نمائندوں، میڈیا اور عوام کا بھی شکریہ ادا کیا جنہوں نے اداروں کا ساتھ دے کر اس مہم کو کامیاب بنایا۔
واضح رہے کہ عید کے 3 دن جاری رہنے والا ’آپریشن کلین اپ‘ آج مکمل ہوگا۔ صفائی مہم میں شامل عملے نے عیدالاضحی کے تینوں دن مسلسل صفائی، عرق گلاب ملے پانی سے سڑکوں، گلیوں اور راستوں کی دھلائی اور آلائشیں اٹھانے کا کام سرانجام دیا۔
