پیپلز پارٹی کی رہنما شازیہ مری نے دعوٰی کیا ہےکہ وزیراعظم شہباز شریف اور بلاول بھٹو کی ملاقات نتیجہ خیز ثابت نہیں ہوئی ہے۔
جیو ٹی وی سے گفتگو کرتے ہوئے شازیہ مری نے کہا ہے کہ پیپلز پارٹی مذاکرات پر یقین رکھتی ہے اور آئندہ بھی ملاقاتیں ہوں گی۔ ہم کسی کو بلیک میل نہیں کر رہے، مہذب انداز میں اپنے تحفظات سے آگاہ کیا، ہمیں وفاقی بجٹ پر تحفظات ہیں۔
مزید پڑھیں
دوسری جانب رانا ثنااللہ نے کہا ہے کہ وزیراعظم اور بلاول بھٹو کی میٹنگ خوشگوار ماحول میں ہوئی۔ بجٹ اور پنجاب حکومت سمیت تمام حکومتی معاملات پر بات ہوئی ہے، 2 کمیٹیاں ترتیب دی گئی ہیں، کل کمیٹیوں کا اجلاس ہوگا، معاملات کو افہام تفہیم سے طے کیا جائے گا۔ پیپلز پارٹی نے صرف وزارتیں نہیں لیں لیکن تمام حکومتی معاملات میں شامل ہے۔
