نیوزی لینڈ نے پاکستان کے خلاف ٹی 20 سیریز کے لیے ٹیم کا اعلان کر دیا، نیوزی لینڈ کی ٹیم کی قیادت ٹام لیتھم کریں گے۔
پاکستان اور نیوزی لینڈ کے درمیان ٹی 20سیریز کا آغاز 14اپریل سے قذافی اسٹیڈیم لاہور میں ہوگا، سیریز میں 3ٹی 20میچز قذافی اسٹیڈیم لاہور میں کھیلے جائیں گے جبکہ 2 راولپنڈی کرکٹ اسٹیڈیم میں ہوں گے۔
نیوزی لینڈ نے پاکستان کے خلاف اپنی ٹیم کا اعلان کر دیا ہے جس کی قیادت نیوزی لینڈ کے ٹام لیتھم کریں گے۔ نیوزی لینڈ کی ٹیم میں چاڈ بوز اور ہنری شپلی نئے کھلاڑی ہیں جبکہ ٹام لیتھم کی ٹیم میں واپسی ہوئی ہے۔
نیوزی لینڈ کے اسکواڈ میں ٹام لیتھم، چاڈ بوز، مارک چیپ مین، ڈین کلیور، میٹ ہنری، بین لِسٹر، ایڈم ملنے، کول میکونچی، ڈیرل مچل، جمی نیشم، ریچن رویندرا، ہنری شپلی، ایش سودھی، بلیئر ٹکنر، ول ینگ شامل ہیں۔
دونوں ٹیموں کے درمیان 5 ونڈے میچز بھی کھیلے جائیں گے، پہلا ون ڈے میچ 26 اپریل کو راولپنڈی میں ہو گا۔ کراچی میں 4 ون ڈے میچز کھیلے جائیں گے جن کی تاریخیں 30 اپریل ،3، 5 اور 7 مئی ہوں گی۔
