حکومت پنجاب نے سرکاری اسکولوں کے لیے نئی پالیسی کا اعلان کیا ہے جس کے تحت صوبہ بھر کے سرکاری اسکولوں میں ہفتہ اور اتوار 2 دن چھٹی ہوگی۔
مزید پڑھیں
صوبائی وزیر تعلیم رانا سکندر حیات نے نئی پالیسی کا اعلان کرتے ہوئے کہا کہ جامع مشاورت کے بعد اساتذہ پر ورک لوڈ زیادہ ہونے کے باعث ہفتہ کے دن چھٹی کا فیصلہ کیا گیا۔
سماجی رابطے کے پلیٹ فارم ’ایکس‘ پر ایک پوسٹ میں انہوں نے کہا کہ ہفتے کا دن اساتذہ کی ٹریننگ، کپیسٹی بلڈنگ اور لیسن پلاننگ کے لیے استعمال ہوا کرے گا۔
وزیر تعلیم کا کہنا تھا کہ اسکولوں میں پیر سے جمعہ تک یومیہ تدریسی اوقات کار بڑھائے جائیں گے۔
After thorough consultation, we have reached a consensus Saturday will be an off day & the weekday schedule will be adjusted accordingly. This change aims to give our hardworking teachers who handle multiple responsibilities beyond teaching, a chance to recharge & excel in their… pic.twitter.com/6M9u8g8ROd
— Rana Sikandar Hayat (@RanaSikandarH) June 25, 2024
انہوں نے مزید کہا کہ اساتذہ کی پروموشن کے مسائل بھی جلد حل ہوں گے، اس کے علاوہ بہت جلد 14 ہزار اے ای اوز اور ایس ایس ایز کا ریگولرائزیشن پلان آ رہا ہے۔