آئی سی سی مینز ٹی20 ورلڈ کپ کے پہلے سیمی فائنل میں جنوبی افریقا نے افغانستان کو 9 وکٹوں سے شکست دے کر پہلی مرتبہ فائنل کے لیے کوالیفائی کرلیا۔
افغانستان کی بدترین شکست اور جنوبی افریقہ کے پہلی بار فائنل میں پہنچنے پر صارفین کی جانب سے مختلف تبصرے کیے جا رہے ہیں۔ فرید خان نے گلبدین نائب کی ایکٹنگ کرتے ہوئے تصویر شیئر کی جس میں وہ جوناتھن ٹراٹ کے اشارے کے بعد اچانک میدان میں گر جاتے ہیں اور افغانستان کی ٹیم کو مخاطب کرتے ہوئے کہا کہ ’یہ شاید مکافاتِ عمل ہے‘۔
Sorry, Afghanistan. Maybe, it's karma 🇦🇫💔💔💔#T20WorldCup #T20WorldCup2024 pic.twitter.com/gT3EknSCBj
— Farid Khan (@_FaridKhan) June 27, 2024
ایک ایکس صارف نے طنزاً لکھا کہ مجھے یہ احساس ہو رہا ہے کہ افغانستان اور ساؤتھ افریقہ کے درمیان کھیلا جانے والا سیمی فائنل گلبدین نائب کو اچانک اٹھنے والے درد سے تھوڑا زیادہ دیر تک جاری رہا۔
Just woke up to realise that semifinal match lasted only a LITTLE LONGER than Gulbadin's cramp. 😮
— Waqas Muhammad (@WaqasMuhammad0) June 27, 2024
انگلینڈ کے سابق کرکٹر مائیکل وان لکھتے ہیں کہ افغانستان کے سیمی فائنل میں کوالیفائی کرنے کے بعد ان کی فلائٹ 4 گھنٹے لیٹ ہوئی اور یوں انھیں پریکٹس کرنے اور نئے مقام پر تیاری کا وقت نہیں ملا۔
Surely this Semi should have been the Guyana one .. but because the whole event is geared towards India it’s so unfair on others .. #T20IWorldCup
— Michael Vaughan (@MichaelVaughan) June 27, 2024
صحافی احتشام الحق نے لکھا کہ افغانستان جیسی ٹیم کے لیے اس مرحلے تک پہنچنا ہی جیت ہے اور وہ اسے اپنی جیت کے طور پر منائیں۔ ان کا مزید کہنا تھا کہ اب افغانستان کی ٹیم ایشیا کی سرفہرست ٹیموں میں سے ایک ہے اور پاکستانی ٹیم کے لیے حقیقی خطرہ بن چکی ہے۔
Hard luck today, Afghanistan, but you guys are true winners. Reaching this stage for a team like Afghanistan itself is a 🏆. Chin up & celebrate this as your win. You are now one of the top teams in Asia & a genuine threat to my team 🇵🇰 in the upcoming tournaments. Long live 🇦🇫🏏
— Ihtisham Ul Haq (@iihtishamm) June 27, 2024
عامر ملک نے افغانستان اور ساؤتھ افریقہ کے مابین ہونے والے میچ پر ایک میم شیئر کی جس میں لکھا تھا کہ بھائی یہ تو شروع ہوتے ہی ختم ہو گیا۔
I just woke up & saw scorecard WTF is this Afghanistan 😱 #SAvsAFG pic.twitter.com/xRipyhfIQR
— Aamir Malik (@Cagedm23) June 27, 2024
واضح رہے کہ جمعرات کو ٹرینیڈاڈ میں کھیلے گئے میچ میں جنوبی افریقی بولرز کے سامنے افغانستان کی بیٹنگ لائن ریت کی دیوار ثابت ہوئی، جیت کے لیے صرف 57 رنز کا ہدف دیا، جنوبی افریقہ نے مطلوبہ ہدف 1 وکٹ کے نقصان پر 8.4 اوورز میں ہی حاصل کرلیا۔