کراچی کی بلدیہ کالونی میں لوٹ مار کرتے ہوئے پکڑا گیا ملزم پاکستان تحریک انصاف (پی ٹی آئی) کا بلدیاتی امیدوار نکلا جسے شہریوں نے بہیمانہ تشدد کا نشانہ بنایا ہے۔
پولیس کے مطابق مبینہ ڈاکو نے حالیہ بلدیاتی انتخابات میں تحریک انصاف کے ٹکٹ پر الیکشن لڑا تھا۔
گرفتار مبینہ ڈاکو نے کونسلر کی نشست پر یوسی 6 وارڈ نمبر 4 سے الیکشن میں حصہ لیا تھا۔
پولیس نے بتایا ہے کہ ملزم نے الیکشن میں 305 ووٹ بھی حاصل کیے تھے اور وہ الیکشن سے قبل بھی وارداتیں کرتا رہاہے۔
پولیس نے مزید بتایا ہے کہ ملزم نے اتحاد ٹاؤن میں موٹرسائیکل چھیننے ، ادویات کی کمپنی کی گاڑی لوٹنے کااعتراف کرلیا ہے۔
ملزم پیر کی شام بھی واردات کررہا تھا کہ شہریوں نے پکڑ لیا اور تشدد کا نشانہ بنایا جس کے بعد پولیس نے زخمی حالت میں زیر حراست لیا اور اس کے قبضہ سے اسلحہ بھی برآمد ہوا ہے۔
