بھارتی اداکارہ کرینہ کپور نے اپنی بالی وڈ ڈیبیو فلم ’ریفیو جی‘ کے 24 برس مکمل ہونے پر انسٹاگرام پر فلم کی جھلکیوں پر مشتمل ویڈیو کے ساتھ اپنے پیغام میں لکھا ہے کہ ’اپنی ذات اور کردار تلاش کرتے ہوئے مجھے 24 برس مکمل ہوگئے اور ابھی سب سے بہترین آنا باقی ہے۔‘
کرینہ کپور نے اپنی ڈیبیو فلم کی کاسٹ اور ٹیم اور مداحوں کے لیے لکھا کہ ’آپ سب کے لیے بے شمار پیار۔‘ پوسٹ میں کرینہ کپور نے فلم کے ہیرو ابھیشیک بچن سمیت انوپم کھیر، جیکی شیروف اور سنیل شیٹھی کو بھی مینشن کیا ہے۔
مزید پڑھیں
مداح کرینہ کپور کو بھارتی فلم نگری میں کامیاب 24 برس مکمل کرنے پر مبارکباد دیتے نظر آرہے ہیں اور متعدد کرینہ کپور اور ابھیشیک بچن کی جوڑی کو بھی یاد کر رہے ہیں۔
یاد رہے کہ 30 جون 2000 کو سنیما گھروں کی زینت بننے والی فلم ’ریفیوجی’ سے نہ صرف کرینہ کپور بلکہ بالی وڈ کے شہنشاہ امیتابھ بچن کے اکلوتے بیٹے ابھیشیک بچن نے بھی اداکاری کی دنیا میں قدم رکھا تھا۔ جوڑی کو پسند کیا گیا لیکن فلم باکس آفس پر اوسط درجے کی ثابت ہوئی تھی۔
View this post on Instagram
فلم کامیاب نہیں ہوئی تھی لیکن 2 سپر اسٹارز کی پہلی ڈیبیو فلم ہونے کے سبب ان کے مداحوں کے لیے بہت خاص ہے اور اس فلم کے گانے بھی شائقین موسیقی کو ازحد پسند ہیں۔
