پاکستانی کرکٹ ٹیم کے سابق کپتان اور آل راؤنڈر شاہد آفریدی کبھی اپنے کھیل کو لے کر تو کبھی متنازع بیانات کی وجہ سے ہمیشہ سے ہی خبروں کی زینت رہے ہیں، تاہم گزشتہ کچھ عرصے سے انہیں سوشل میڈیا پر کڑی تنقید کا سامنا ہے، جہاں خاص طور پر تحریک انصاف کے حامی صارفین اور سیاستدان انہیں آڑے ہاتھوں لینے سے باز نہیں آتے۔
چند دن قبل سابق وفاقی وزیر زرتاج گل نے کہا تھا کہ شاہد آفریدی مر کر دوبارہ بھی پیدا ہو جائیں تو عمران خان کا مقابلہ نہیں کر سکتے اور اب سابق وفاقی وزیر فواد چوہدری کا ایک بیان وائرل ہو رہا ہے جس میں انہوں نے شاہد آفریدی کو ڈفر قرار دیا ہے۔
حال ہی میں ایک انٹرویو کے دوران صحافی اجمل جامی نے فواد چوہدری کے سامنے چند شخصیات کے نام رکھتے ہوئے ان کے بارے میں فواد چوہدری سے رائے مانگی، ان افراد میں شیر افضل مروت، شہریار آفریدی، شبلی فراز، بابر اعظم اور شاہد آفریدی شامل تھے۔
فواد چوہدری نے کہا کہ شیر افضل مروت ایک بلبلہ تھا جو بلبلے کی طرح بیٹھ گیا اور ختم ہو گیا، شہریار آفریدی ایک عزت دار آدمی ہیں، شبلی فرازکے بارے میں فواد چوہدری کا کہنا تھا کہ کبھی بھی آدمی کو اپنی صلاحیت سے زیادہ ٹاسک نہیں لینے چاہییں۔
بابر اعظم کے بارے میں بات کرتے ہوئے فواد چوہدری نے کہا کہ پاکستان کرکٹ ٹیم کا کپتان بابر اعظم کو ہی رہنا چاہیے کیونکہ ان کے علاوہ کوئی اور آپشن نہیں ہے، شاہین شاہ آفریدی کی پی ایس ایل میں کارکردگی سب کے سامنے ہے، جب ان سے شاہد آفریدی کے بارے میں پوچھا گیا تو فواد چوہدری نے کہا کہ وہ ڈفر آدمی ہیں، انہیں پتا ہی نہیں ہوتا کہ وہ کیا باتیں کررہےہیں۔
🚨 Fawad Chaudhary supports Babar Azam and uses harsh words for Shahid Afridi! pic.twitter.com/hOnqZJ0d8I
— Arfa Feroz Zake (@ArfaSays_) June 30, 2024
فواد چوہدری کے بیان کے بعد پی ٹی آئی اور شاہد آفریدی کے حامی سوشل میڈیا پر آمنے سامنے آگئے، کسی نے فواد چوہدری کو تنقید کا نشانہ بنایا تو کوئی ان کے بیان کا حامی نظر آیا۔ ایک صارف نے فواد چوہدری کو آڑے ہاتھوں لیتے ہوئے کہا کہ دوسروں کو ڈفر بولنے سے پہلے اپنے آپ کو دیکھیں۔
Joker ka interview koan Kara hai bahi….yeh Banda dusro ko duffer bol raha hai pahle mote khud ka dekh https://t.co/PYglaKyAsn
— Akanksha (@AKANKSH48278581) June 30, 2024
محمد عبداللہ صفدر لکھتے ہیں کہ شاہد آفریدی نے کئی مواقع پر پاکستان کا سر فخر سے بلند کیا ہے جبکہ فواد چوہدری کا واحد کارنامہ بینچ فکسنگ کے ذریعے مقدمات جیتنا ہے، وہ بھی جب ان کے انکل چیف جسٹس لاہور ہائیکورٹ تھے۔
Shahid Afridi has made Pakistan proud at many levels while this clown only achievement in life is winning cases through bench fixing when his uncle was CJ LHC. https://t.co/lNB6857Dfl
— Muhammad Abdullah Safdar (@MuhammadASafdar) June 30, 2024
حمزہ خان نے فواد چوہدری کو تنقید کا نشانہ بناتے ہوئے لکھا کہ شاہد آفریدی پر تنقید کونیوالے یہ خود ایک بزدل اور غدار شخص ہیں۔
اور یہ خود ایک بزدل اور غدار ہے https://t.co/sS5HOeHWxD
— Hamza Khan (@HamxaaTweets) June 30, 2024
ایک ایکس صارف نے فواد چوہدری کی حمایت کرتے ہوئے کہا کہ انہوں نے شاہد آفریدی کے بارے میں بالکل ٹھیک بات کی ہے۔
Baat to sahi h :@syedaliimran bhai https://t.co/xs2IiOgL5d
— 𝕊𝕥𝕙𝕚𝕥 𝕡𝕣𝕒𝕘𝕪 𝕧𝕪𝕒𝕤 (@sthitpragyvyas) June 30, 2024
واضح رہے کہ حال ہی میں شاہد آفریدی کی ایک متنازع تصویر سوشل میڈیا پر زیر بحث رہی ہے، جس میں وہ برطانیہ میں اسرائیل نواز تنظیم کے ایک گروپ کے ساتھ نظرآ رہے تھے۔
انھوں نے اپنی اس تصویر پر وضاحت دیتے ہوئے لکھا کہ تصور کریں کہ آپ برطانیہ کی ایک گلی میں ٹہل رہے ہیں اور کچھ نام نہاد پرستار سیلفی لینے کے لیے آپ کے پاس آتے ہیں اور آپ ان کی بات مان لیتے ہیں۔ چند لمحوں بعد وہ اس کو صہیونیت کی توثیق کی شکل دے کر اپ لوڈ کردیتے ہیں۔
شاہد آفریدی کا مزید کہنا تھا کہ فلسطین میں معصوم جانوں کی تکلیف کو دیکھنے سے دل کو صدمہ پہنچاتا ہے۔ لہذا مانچسٹر میں کسی ایسی تنظیم کی جانب سے شیئر کی گئی تصویر کو میری کسی قسم کی حمایت نہیں سمجھا جا سکتا، سابق کپتان نے کہا کہ وہ دنیا بھر میں شائقین کے ساتھ تصویریں کھنچواتے ہیں اور یہ صورتحال بھی مختلف نہیں تھی۔
