بھارتی بلے باز ویرات کوہلی کے ٹی20 انٹریشنل کرکٹ فارمیٹ سے ریٹائر ہونے کے اعلان کے بعد ان کے بارے میں سابق وزیراعظم عمران خان کا ایک پرانا بیان سوشل میڈیا پر وائرل ہو رہا ہے جس میں وہ اسٹار بیٹسمین ویرات کوہلی کی تعریف کرتے نظر آ رہے ہیں۔
وائرل ویڈیو میں عمران خان کا کہنا تھا کہ اچھا بیٹسمین بننے کے لیے 3 خوبیاں ہونی چاہئیں۔ ٹیلنٹ،تکنیک اور ٹمپرامنٹ۔
عمران خان کا کہنا تھا کہ ویرات کوہلی میں یہ تینوں خوبیاں موجود ہیں، وہ اسٹروکس بھی کھیلتے ہیں اور چانس بھی نہیں دیتے۔
عمران خان کا کہنا تھا کہ ویرات کوہلی تکنیک کے اعتبار سے بہت مضبوط کھلاڑی ہیں۔ گیند کو بڑی جلدی دیکھتے ہیں۔ ان کی موومنٹ اچھی ہے اور وہ ہر لحاظ سے ایک اچھے بیٹسمین ہیں۔ ان کا مزید کہنا تھا کہ یہ ضروری ہوتا ہے کہ کھلاڑی اپنی اننگز کو کیسے مینج کرتا ہے اور ویرات کوہلی پریشر میں بہت اچھا کھیلتے ہیں۔ ہو سکتا ہے وہ سارے ریکارڈز توڑ دیں۔
ویرات کوہلی اور سچن ٹنڈولکر کے موازنہ کرتے ہوئے عمران خان کا کہنا تھا کہ سچن ٹنڈولکر کا کافی لمبا کریئر تھا۔ انہوں نے طویل عرصہ تک پرفارم کیا ہے۔ آئندہ 2، 3 برس بعد ہوسکتا ہے ویرات کوہلی اُن سے بھی بہتر ہو جائیں۔
Maestro about @imVkohli pic.twitter.com/sGs9kkXLdk
— Ahmed Janjua (@AhmedWJanjua) June 29, 2024
اویس حمید لکھتے ہیں کہ تقریباً 10 سال قبل عمران خان نے ویرات کوہلی کو سچن ٹنڈولکر سے بہتر بلے باز قرار دیا تھا اور پیش گوئی کی تھی کہ وہ تمام ریکارڈ توڑ دیں گے۔
About 10 years ago, the great Imran Khan identified Virat Kohli as better batsman than Sachin Tendulakar and predicted that he will break all records. 😳#ImranKhanPTI #ViratKohli𓃵 #viratkholi #SachinTendulkar #IndiaWon #indiawin #India #T20WorldCupFinal #T20IWorldCup #cricket https://t.co/P61CWyTJcv
— Awais Hameed (@awais_hameed) June 30, 2024
ایک صارف نے کلپ شیئر کرتے ہوئے لکھا کہ عمران خان ویرات کوہلی کی خوبیاں بیان کر رہے ہیں۔
The Great Imran Khan about THE GOAT Virat Kohli ❤️pic.twitter.com/O6Fwc829K6
— Avinash Aryan (@avinasharyan09) June 30, 2024
واضح رہے کہ بھارت نے ٹی 20 ورلڈ کپ کے فائنل میں جنوبی افریقا کو سنسنی خیز مقابلے کے بعد 7 رنز سے شکست دے کر دوسری بار عالمی چیمپئن بننے کا اعزاز حاصل کیا تھا۔ میچ کے بعد ویرات کوہلی اور کپتان روہت شرما نے ٹی 20 کرکٹ سے اپنی ریٹائرمنٹ کا اعلان کیا تھا۔
