دنیا بھر میں بہت سے لوگ ٹوٹے ہوئے سامان یا گمشدہ بیگز پر مختلف ایئر لائنز کے رویے پر مایوسی کا اظہار کرتے ہیں۔ اسی طرح کا واقعہ ایک کروڑ پتی ویب سائٹ ڈویلپر کے ساتھ بھی پیش آیا جس نے اپنی گرل فرینڈ کا سوٹ کیس گم ہونے کے بعد ویب سائٹ بنا ڈالی، جس میں سامان کے گم ہونے کی تعداد کے مطابق ایئر لائنز کی درجہ بندی کی گئی ہے۔
✨ I made a new site called
It's a live ranking of airlines by how much luggage they are losing right now
So you can avoid flying with them (and hopefully they can improve)
Airlines losing most luggage rn:
🇮🇳 Air India
🇮🇪 Aer Lingus
🇬🇧 British… https://t.co/GHIgtIB1Iw pic.twitter.com/069r3BNR79— @levelsio (@levelsio) June 30, 2024
میڈیا رپورٹس کے مطابق پیٹر لیولز جو ایک ڈویلپر بھی ہیں نے ایک ویب سائٹ تیار کی جس میں پروازوں کی تعداد اور جہاز کے سائز جیسے عوامل کو مدنظر رکھتے ہوئے ایئر لائنز کی درجہ بندی کی ہے، یہ ایئر لائنز کی ریئل ٹائم رینکنگ ہے۔ جس کے ذریعے اندازہ لگایا جا سکتا ہے کہ کون سی ایئر لائن سامان گم کرنے میں کتنے نمبر پر ہے۔
So Vueling lost gf's suitcase from Lisbon to Barcelona like 7 days ago, then we flew on to Austin so they sent the suitcase to Austin already 4 days ago
It's at Austin airport, Airtag sees it, we also in Austin, they say they will send it to the hotel already for 4 days, but… https://t.co/qxK7QZI2L4
— @levelsio (@levelsio) June 28, 2024
پیٹر لیولز نے سوشل میڈیا پر پوسٹ کرتے ہوئے واضح کیا کہ ویب سائٹ لانچ کرنے کا مقصد ایئرلائنز کی جانب سے غیر ذمہ دارانہ رویہ ہے۔ انہوں نے بتایا کہ ایک ہفتہ پہلے ہسپانوی ایئر لائن Vueling Airlines سے بارسلونا جانے والی پرواز میں ان کی گرل فرینڈ کا سوٹ کیس گم ہوا۔ سوٹ کیس اس وقت امریکی شہر آسٹن کے ہوائی اڈے پر ہے، پچھلے 4دنوں میں یقین دہانی کے باوجود کہ سوٹ کیس ان کے ہوٹل میں پہنچا دیا جائے گا، ابھی تک نہیں پہنچایا گیا۔
مزید پڑھیں: ایئرلائن کا پروازوں کے بہتر انتظام کے لیے مصنوعی ذہانت کا استعمال کارگر ثابت
انہوں نے مزید بتایا کہ ان کا سوٹ کیس ہوائی اڈے پر تھا، اور جب وہ بارسلونا میں تھے تو اسے وہاں دیکھ بھی سکتے تھے، ایئر لائن نے سوٹ کیس ان کے ہوٹل میں پہنچانے کے لیے ان سے رابطہ کرنے کا وعدہ بھی کیا، لیکن پورا نہیں کیا گیا۔ لیولز نے مایوسی کا اظہار کیا اور پھر ویب سائٹ بنانے کی ٹھان لی۔
پیٹر لیولز کی جانب سے بنائی جانے والی ویب سائٹ میں جو درجہ بندی کی گئی اس کے حساب سے بھارتی ایئرلائن ایئر انڈیا پہلے نمبر پر ہے، اس کے بعد ایئر لنگس، ویسٹ جیٹ ایئر لائنز، برٹش ایئرویز، آئیبیریا، اور بھارت کی ہی اسپائس جیٹ شامل ہے۔
یہ بھی پڑھیں: قطر ایئرویز نے دنیا کی طویل ترین پرواز کا اعزاز اپنے نام کر لیا
درجہ بندی سے پتہ چلتا ہے کہ ایئر انڈیا سب سے زیادہ سامان گم کرتی ہے، جب کہ جاپان کی آل نیپون ایئرویز کے پاس گمشدہ سامان کی شرح سب سے کم ہے۔ برازیل اور الاسکا ایئر لائنز بھی اس فہرست میں شامل ہیں۔
پیٹر کے مطابق ویب سائٹ بنیادی طور پر سوشل میڈیا سے ڈیٹا اکٹھا کرتی ہے کیونکہ ایئر لائنز اپنے گمشدہ سامان کے اعداد و شمار شاذ و نادر ہی جاری کرتی ہیں۔ لہذا درجہ بندی کو احتیاط کے ساتھ لیا جانا چاہیے کیونکہ ان کی درستگی آن لائن رپورٹس اور شکایات کی موجودگی اور اعتماد پر منحصر ہے۔