جائیداد کی لالچ نے اولاد کو اندھا کردیا، بیٹے نے باپ کو دھکے مار کر گھر سے باہر نکال دیا۔
سوشل میڈیا پر ایک ویڈیو وائرل ہو رہی ہے جس میں دیکھا جا سکتا ہے کہ مبینہ طور پر بیٹا اپنے والد کو دھمکیاں دے رہا ہے کہ جس گھر میں آپ رہ رہے ہیں یہ آپ کے نام نہیں ہے اور اگر آپ ملکیت کا دعویٰ کریں گے تو آپ سے اس کا ثبوت مانگا جائے گا جو آپ کے پاس نہیں ہے۔
ویڈیو میں ایک خاتون کو بھی دیکھا جا سکتا ہے جو جائیداد کے لالچ میں مذکورہ شخص کے ساتھ مل کرضعیف العمر والد کو دھکے مارتے ہوئے گھر سے باہر نکال رہی ہے۔
دعائیں مانگ مانگ کر بیٹا لیا ہو گا
اور بیٹا جائیداد کیلئے باپ کو دھکے مار کے گھر سے نکال رہا💔 pic.twitter.com/1w8t0EeSUH— میاں عامر 🦁 (@LegiMian) July 7, 2024
ویڈیو پر سوشل میڈیا صارفین کی جانب سے بیٹے کو خوب تنقید کا نشانہ بنایا جا رہا ہے۔ ایک صارف کا کہنا تھا یہ دنیا مکافات عمل ہے زیادہ دیر نہیں لگے گی مذکورہ شخص کا بیٹا بھی اس کے ساتھ یہی سلوک کرے گا جو اس نے اپنے والد کے ساتھ کیا۔
یہ دنیا مکافات عمل ہے۔ زیادہ دیر نہیں لگے گی اسکا بیٹا بھی اس کے ساتھ یہی کرے گا۔
— Dr. Ghazala Tallat (@GhazalaTallat) July 7, 2024
سابق وزیراعظم شاہد خاقان عباسی کے فین پیج کی جانب سے ویڈیو پر تبصرہ کرتے ہوئے کہا گیا کہ جن ماں باپ نے سردی دیکھی نہ گرمی اور دن رات محنت کر کے اپنی اولاد کو آج اس مقام پر پہنچایا کہ وہ کچھ کرنے کے قابل ہوں ان کے ساتھ اس طرح کا سلوک قابلِ مذمت ہے۔ صارف کا مزید کہنا تھا کہ یاد رکھیں مكافات عمل بھی کوئی چیز ہے کل اس شخص کے بچے اس کے ساتھ یہی سلوک کریں گے جو آج وہ اپنے والد کے ساتھ کر رہا ہے تو اسے باپ کا دکھ سمجھ میں آئے گا۔
اللّه پاک ہدایت دے جن ماں باپ نے نہ سردی دیکھی نہ گرمی اور دن رات محنت کر کے آج اس مقام پر پہنچایا ان کے ساتھ یہ سلوک یاد رکھیں مكافات عمل بھی کوئی چیز ہے کل یہ سب جب اس کے بچے اس کے ساتھ کریں گے اور یہ بے بس ہوگا تب اسے اس باپ کا دکھ سمجھ آۓ گا
— Shahid Khaqan Abbasi (@Khaqanabbasifan) July 8, 2024
کئی صارفین کا کہنا تھا کہ یہ بہت بدبخت انسان ہے جو اس عارضی دنیا کے پیچھے اپنی جنت بھی گنوا رہا ہے۔
بدبخت انسان اس عارضی دنیا کے پیچھے اپنی جنت بھی گواہ رہا ہے
— Farwa Saleem (@Farwa_Saleem1) July 7, 2024
