ایرانی سفارت خانے کی جانب سے محرم اور صفر کے دوران پاکستانی زائرین کے لیے ویزا پالیسی کا اعلان کردیا گیا، جن پاکستانی زائرین جن کے پاس عراقی ویزا ہے ڈبل انٹری ویزا کے لیے درخواست دے سکتے ہیں۔
ترجمان ایرانی سفارت خانہ کے مطابق 8 جولائی سے 20 اگست تک تمام پاکستانی زائرین جن کے پاس عراقی ویزا ہے ڈبل انٹری ویزا کے لیے درخواست دے سکتے ہیں۔
مزید پڑھیں: ایران نے بھارتی سیاحوں کو 15 دن کے لیے ویزا فری انٹری دینے کا اعلان کر دیا
ترجمان نے مطابق ایسے زائرین کے ویزا کی معیاد 45 دن ہونا اور ہر اندراج پر 15 دن کے قیام کی مدت ضروری ہے۔
ترجمان ایرانی سفارتخانہ کے مطابق عراقی حکومت کے پاکستانی زائرین کو خصوصی اربعین ویزے کے اجرا پر درست عراقی اربعین ویزا رکھنے والے تمام زائرین کو ڈبل انٹری ویزے مفت جاری کیے جائیں گے۔