لاہور میں سیف سٹی ورچوئل ویمن پولیس اسٹیشن کی بروقت کارروائی کے نتیجے میں خاتون کو ہراساں کرنے والا ملزم گرفتار کر لیا گیا۔
لاہور میں سیف سٹی ورچوئل ویمن پولیس اسٹیشن نے متاثرہ خاتون کی جانب سے کال موصول ہونے پر فوری کارروائی کرتے ہوئے خاتون کو ہراساں کرنے والے ملزم کو داتا دربار کے قریب ملزم گرفتار کرلیا۔
یہ بھی پڑھیں:’اتنے لوگوں کے سامنے دکاندار کیسے لڑکیوں کو ہراساں کرسکتا ہے؟‘، مریم نفیس کو لڑکیوں کا دفاع مہنگا پڑگیا
لاہور میں ورچوئل ویمن پولیس اسٹیشن میں خاتون نے بس میں ہراسگی کی شکایت درج کروائی اور پولیس اسٹیشن کو متعلقہ بس کی لوکیشن بتائی۔ جس پر سیف سٹی نے کیمروں کے ذریعے بس کو فالو کیا گیا اور پولیس کو بس کے اگلے سٹاپ پر بھیج دیا گیا۔
بس کے اسٹاپ پر پہنچتے ہی خاتون کی نشاندہی پر ملزم کو گرفتار کر لیا گیا۔پولیس نے ملزم کو حراست میں لیتے ہوئے قانونی کارروائی کا آغاز کر دیا ہے۔
ترجمان ترجمان سیف سٹیز کے مطابق ورچوئل ویمن پولیس اسٹیشن خواتین کے تحفظ اور انصاف کی فراہمی کے لیے کوشاں ہے۔ خواتین خود کو غیر محفوظ سمجھتے ہی فوری 15 کال یا ویمن سیفٹی ایپ کے ذریعے شکایت درج کروائیں۔
