پاکستان تحریک انصاف کی رہنما صنم جاوید کو رہائی کے بعد پھر گرفتار کرلیا گیا۔
میڈیا رپورٹس کے مطابق اسلام آباد پولیس کی جانب سے صنم جاوید کو رہائی کے بعد گرفتار کیا گیا ہے۔
اس سے قبل اسلام آباد کی عدالت نے صنم جاوید کو ایف آئی اے کے مقدمے سے بری کرتے ہوئے رہائی کا حکم دیا تھا، جس پر وہ اپنے وکلا کے ساتھ روانہ ہوگئی تھیں۔
یہ بھی پڑھیں صنم جاوید کے خلاف ایف آئی اے کا مقدمہ کیا ہے؟
واضح رہے کہ ایف آئی اے کی ٹیم نے گزشتہ روز صنم جاوید کو گوجرانوالہ کی سینٹرل جیل سے اس وقت گرفتار کیا تھا جب لاہور ہائیکورٹ کے حکم پر ان کی رہائی کی روبکار جاری ہوئی تھی۔
صنم جاوید کو 10 مئی 2023 کو اس وقت گرفتار کیا گیا تھا جب عمران خان کی گرفتاری کے بعد پی ٹی آئی کارکنوں نے ملک گیر احتجاج کیا تھا۔ اور آج وہ 14 ماہ 4 دن قید میں رہنے کے بعد رہا ہوئی تھیں۔
