خیبرپختونخوا کے ضلع نوشہرہ میں نامعلوم موٹرسائیکل سواروں نے فائرنگ کرکے صحافی کو قتل کردیا۔
پولیس کے مطابق سینیئر صحافی حسن زیب ایک اخبار کے ساتھ جنرل رپورٹر تھے جنہیں تھانہ اکبر پورہ کی حدود میں قتل کیا گیا۔
پولیس نے بتایا کہ ملزمان صحافی پر حملہ کے بعد موقع سے فرار ہونے میں کامیاب ہوگئے۔
واقعہ کے بعد پولیس کی بھاری نفری موقع پر پہنچ گئی اور تفتیش شروع کردی گئی ہے، جبکہ لاش کو پبی اسپتال منتقل کردیا گیا۔