پاکستان میں تیل اور گیس کا بڑا ذخیرہ دریافت کرلیا گیا۔ پاکستان آئل فیلڈز نے تیل و گیس کا کنواں اٹک کے اخلاص بلاک میں دریافت کیا۔
پاکستان آئل فیلڈز نے تیل و گیس کے نئے کنویں کی دریافت کے بعد پاکستان اسٹاک ایکسچینج کو خط بھیج کر آگاہ کردیا ہے۔
یہ بھی پڑھیں: سجاول میں گیس کا بڑا ذخیرہ دریافت
خط میں کہا گیا ہے کہ کنویں سے یومیہ 714 بیرل خام تیل حاصل ہورہا ہے، کنویں سے یومیہ 10 ملین اسٹینڈرڈ کیوبک فٹ گیس بھی نکل رہی ہے۔
بیان میں کہا گیا ہے کہ کنویں کی کھدائی کا آغاز اکتوبر 2023ء میں کیا گیا تھا۔ 17778 میٹر گہرائی پر کامیابی ملی۔
یہ بھی پڑھیں: پاک ایران گیس پائپ لائن منصوبے کا مستقبل کیا ہوگا؟
تیل و گیس کے نئے ذخائر کی دریافت ایک بڑی کامیابی ہے جو ملکی معیشت کی بہتری اور توانائی کی ضرویات پوری کرنے میں اہم ثابت ہوگی۔
واضح رہے کہ آئل اینڈ گیس ڈویلپمنٹ کمپنی لمیٹڈ (او جی ڈی سی ایل) نے بھی رواں برس اپریل میں سندھ کے ضلع سجاول میں نور ویسٹ بلاک نمبر 1 سے گیس کا بڑا ذخیرہ دریافت کیا تھا۔