بالی وڈ کے سپر اسٹار شاہ رخ خان اپنی ہر فلم کے لیے کروڑوں روپے معاوضہ لیتے ہیں لیکن کیا آپ کو معلوم ہے کہ شارخ خان نے اپنی ایک فلم میں صرف ریت پر2 کروڑ روپے خرچ کیے۔
شارخ خان نے بہت سی فلموں میں اپنی جیب سے بھی پیسہ خرچ کیا جس میں ان کی 2005 میں ریلیز ہونے والی فلم پہیلی بھی شامل ہے۔ اس فلم میں رانی مکھرجی کے ساتھ نصیر الدین شاہ، رتنا پاٹھک شاہ، اور امیتابھ بچن نے بھی خصوصی کردار ادا کیا تھا۔
پہیلی فلم کا زیادہ تر حصہ راجستھان میں شوٹ کیا گیا تھا، وہیں کچھ مناظر ممبئی میں بھی شوٹ ہوئے تھے۔ فلم کے پروڈکشن ڈیزائنر منیش سیپل نے حال ہی میں ایک انٹرویو میں انکشاف کیا ہے کہ ممبئی کے صحرائے تھر کو ایک سین کے لیے دوبارہ بنانے کے لیے ریت کے 400 ٹرک لائے گئے تھے جس کے سیٹ کے لیے شاہ رخ نے مبینہ طور پر 2 کروڑ روپے خرچ کیے۔
منیش سیپل نے یہ بھی انکشاف کیا کہ ریگستان میں نظر آنے والی شاہ رخ خان اور امیتابھ بچن کی فلم کی شوٹنگ دراصل ممبئی کے ہیلی پیڈ پر کی گئی تھی لیکن یہ فلم باکس آفس پر کامیاب نہیں ہوئی اور اس نے 2 کروڑ روپے سے کم کمائے۔
