ممتاز پاکستانی گلوکار راحت فتح علی خان نے دبئی میں اپنی گرفتاری کی خبروں پر ردعمل دیتے ہوئے کہا ہے کہ اس میں کوئی حقیقت نہیں۔
اپنے ویڈیو بیان میں انہوں نے کہاکہ میں یہاں ریکارڈنگ کے لیے آیا ہوں، لوگ افواہوں پر کان نہ دھریں۔
راحت فتح علی خان نے گرفتاری کی خبروں کی تردید کردی@RFAKWorld #WENews #FakeNews #RahatFatehAliKhan pic.twitter.com/YhE4nRwm4h
— WE News (@WENewsPk) July 22, 2024
اس سے قبل یہ خبریں سامنے آئی تھیں کہ گلوکار راحت فتح علی خان کو دبئی ایئرپورٹ پر گرفتار کرلیا گیا ہے۔
میڈیا رپورٹس میں بتایا گیا تھا کہ راحت فتح علی کی گرفتاری دبئی پولیس کی جانب سے کی گئی ہے۔
یہ بھی پڑھیں میری بوتل کہاں ہے؟ راحت فتح علی کا اپنے ملازم پر بہیمانہ تشدد، ویڈیو وائرل
میڈیا رپورٹس میں یہ بات سامنے آئی کہ راحت فتح علی خان کا سابق مینیجر سلمان احمد سے تنازع چل رہا تھا، جس پر انہوں نے دبئی حکام کو درخواستیں دی تھیں۔
گلوکار اپنے کنسرٹس کے سلسلے میں دبئی پہنچے تھے جہاں پولیس نے ان کو گرفتار کرلیا۔
یہ بھی پڑھیں راحت فتح علی خان کو ’منافق‘ کیوں کہا؟ گلوکار ساحر علی بگا کی وضاحت
واضح رہے کہ راحت فتح علی نے چند ماہ قبل اپنے مینیجر سلمان احمد کو برطرف کردیا تھا۔
سابق مینیجر کے ساتھ تنازع کے باعث دونوں نے ایک دوسرے کے خلاف مقدمات درج کروا رکھے ہیں۔
