پاکستان ریلویز نے خیبرمیل ایکسپریس میں پریمیئم لاؤنج ڈائننگ کار کا اضافہ کردیا ہے، جس سے کراچی سے لاہور تک سفر کرنیوالے مسافر استفادہ کرسکیں گے۔
ریلویز کے اعلامیہ کے مطابق نئی پریمیئم لاؤنج ڈائننگ کار میں نشستوں کو مزیدکشادہ بناتے ہوئے مسافروں کے لیے نماز کی جگہ بھی مختص کی گئی ہے۔
یہ بھی پڑھیں : تیزگام ایکسپریس میں پریمیئم لاؤنج ڈائننگ کار کی سہولت کب دستیاب ہوگی؟
’ڈائننگ کار میں 40 کےقریب کھانےموجود ہوں گے، پریمیئم لاؤنج مینیو میں دیسی اوراطالوی کھانوں سمیت فاسٹ فوڈ دستیاب ہوگا، ڈائننگ کار میں بیک وقت 34 مسافر کھانا کھا سکیں گے۔‘
پاکستان ریلویز کے چیف ایگزیکٹیو آفیسر عامر بلوچ کے مطابق ڈائننگ کار میں کھانوں کے اعلیٰ معیار کو یقینی بنایا جائے گا۔
مزید پڑھیں: گزشتہ 14سال میں پاکستان ریلوے کے مسافروں کی تعداد میں کتنی کمی واقع ہوئی؟
ریلوے حکام کے مطابق ستمبر تک علامہ اقبال ایکسپریس میں بھی نئی ڈائننگ کار کا اضافہ کردیا جائے گا، اس سے قبل بہاءالدین زکریااور تیزگام ایکسپریس میں پریمیم لاؤنج ڈائننگ کار کی سہولت فراہم ک جاچکی ہے۔
