سندھ حکومت کی جانب سے تعلیمی اداروں کی موسم گرما کی تعطیلات میں توسیع کے بعد بلوچستان حکومت نے بھی گرم علاقوں کے تعلیمی اداروں کو یکم اگست کے بجائے 15 اگست سے کھولنے کا فیصلہ کیا ہے اور توسیع کے حوالے سے نوٹیفکیشن جاری کردیا گیا ہے۔
نوٹیفکیشن کے مطابق وزیراعلیٰ سرفراز بگٹی کی ہدایت پر چھٹیوں میں اضافہ کئی علاقوں میں لو چلنے کے باعث کیا گیا ہے، تاہم 14 اگست یوم آزادی کی تقریبات معمول کے مطابق ہوں گی۔
مزید پڑھیں:لاہور: تعلیمی ادارے اور دفاتر ہفتے میں 2 دن بند رکھنے کا فیصلہ
یاد رہے کہ قبل ازیں وزیر تعلیم سندھ سید سردار علی شاہ کی ہدایت پر محکمہ تعلیم سندھ نے 14 اگست تک سکولز میں تعطیلات بڑھانے کا نوٹیفکیشن جاری کیا تھا۔ وزیر تعلیم سندھ کا کہنا تھا کہ گرمی اور برسات کے باعث تعطیلات میں اضافے کا فیصلہ کیا گیا ہے۔
