گوجرانوالہ کی ڈسٹرکٹ اینڈ سیشن عدالت نے پاکستان تحریک انصاف (پی ٹی آئی) کی رہنما عالیہ حمزہ کی ضمانت منظور کرلی۔
ڈسٹرکٹ اینڈ سیشن جج جاوید اقبال نے عالیہ حمزہ کی ضمانت کی درخواست پر سماعت کی، جہاں پی ٹی آئی رہنما کو سخت سیکیورٹی میں پیش کیا گیا۔
یہ بھی پڑھیں صنم جاوید اور عالیہ حمزہ کی 9 مئی کے مقدمے میں ضمانت منظور
ضمانت منظور ہونے کے بعد عالیہ حمزہ کی رہائی کچھ دیر میں متوقع ہے، تاہم سینٹرل جیل کے باہر پولیس کی بھاری نفری بھی پہنچ گئی ہے اور امکان ظاہر کیا جارہا ہے انہیں دوبارہ گرفتار کرلیا جائے گا۔
واضح رہے کہ عالیہ حمزہ کو 9 مئی کے واقعات کے بعد گرفتار کیا گیا تھا، اس سے قبل بھی عدالت سے ان کی ضمانت منظور ہوتی رہی ہے تاہم پولیس کسی نئے مقدمے میں گرفتار کرلیتی ہے۔
یہ بھی پڑھیں 9 مئی: عمران خان کی عبوری ضمانتیں خارج کرنے کا تحریری فیصلہ جاری
اس سے قبل صنم جاوید کو بھی رہائی کے بعد دوبارہ گرفتار کرلیا جاتا تھا، تاہم اسلام آباد ہائیکورٹ کے احکامات کے باعث وہ قید سے آزاد ہوچکی ہیں۔