مذاکرات کے لیے تیار ہوں مگر آئین و قانون سے ہٹ کر کوئی بات نہیں ہوگی: عمران خان

پاکستان تحریک انصاف کے چیئرمین عمران خان نے کہا ہے کہ ہم مذاکرات کے لیے تیار ہیں لیکن آئین اور قانون سے ہٹ کر کوئی بات نہیں ہوگی، قوم آئین ، جمہوریت اور قانون کی حکمرانی کے لیے سڑکوں پر آنے کے لیے تیار ہے۔

سینیئر صحافیوں سے گفتگو کرتے ہوئے عمران خان کا کہنا تھا کہ پاکستانی فوج میری فوج ہے اور یہ ملک ہم سب کا ہے،عدلیہ کی آزادی اور آئین پر کوئی سمجھوتہ نہیں کیا جاسکتا۔

پاکستان تحریک انصاف کے چئیر مین عمران خان کی سینئر صحافیوں سے ملاقات

پاکستانی فوج میری فوج ہے اور پاکستان ہم سب کا ہے۔ عمران خان

عدلیہ کی آزادی اور آئین پر کوئی سمجھوتہ نہیں ۔ عمران خان

آزادانہ الیکشن ہی تمام مسائل کا حل ہے۔ عمران خان کی سینئر صحافیوں سے گفتگو

جمہوریت… pic.twitter.com/yQFA0Hz1w8

— PTI (@PTIofficial) March 31, 2023

انہوں نے کہا کہ آزادانہ الیکشن ہی تمام مسائل کا حل ہے اور تحریک انصاف جمہوریت کے لیے آخری حد تک جائے گی کیوں کہ اللہ نے زندگی اس ملک کے لیے عطا کی ہے۔

سابق وزیراعظم نے کہا کہ وکلاء کی تحریک میں پوری قوم ان کے ساتھ کھڑی ہو گی کیوں کہ ہمارے قومی ادارے اور ان کی مضبوطی ہماری اولین ترجیح ہے۔

چیئرمین پی ٹی آئی نے کہا کہ مضبوط پاکستان کے لیے مضبوط فوج انتہائی ضروری ہے۔

ن لیگ چیف جسٹس اور سپریم کورٹ کو دھمکا رہی ہے،عمران خان

قبل ازیں سماجی رابطے کی ویب سائٹ ٹوئٹر پر جاری اپنے بیان میں سابق وزیراعظم نے کہا ہے کہ ن لیگ نے جیسے 1997 میں نواز شریف کے خلاف توہین عدالت کی درخواست پر سماعت کرنے والے چیف جسٹس سجاد علی شاہ پر حملے کے لیے دھاوا بولا تھا ایسے ہی ایک مرتبہ پھر یہ سپریم کورٹ اور چیف جسٹس کو دھمکا رہی ہے۔

ن لیگ نےجیسے1997میں نوازشریف کےخلاف توہین عدالت کی درخواست پرسماعت کرنےوالےCJسجادعلی شاہ پرحملےکیلئےسپریم کورٹ پر دھاوا بولا ویسےہی ایک مرتبہ پھر یہ SCاور چیف جسٹس کودھمکا رہی ہےکیونکہ انتخابات سےخوفزدہ ہے۔میں چاہتاہوں کہ ضرورت پڑنےپرپوری قوم آئین،جمہوریت اور قانون کی حکمرانی

— Imran Khan (@ImranKhanPTI) March 31, 2023

انہوں نے کہا کہ حکمران انتخابات سے خوفزدہ ہیں اور میں چاہتا ہوں کہ ضرورت پڑنے پر پوری قوم آئین ،جمہوریت اور قانون کی حکمرانی کے دفاع کے لیے سڑکوں پر نکلنے کے لیے تیار رہے۔

کےدفاع کیلئےسڑکوں پر نکلنےکیلئےتیاررہے۔ہم ان تمام سیاسی جماعتوں سےبات کرینگےجو اس سازش کیخلاف کھڑی ہونےکو تیار ہیں۔میری اپنی وکلاءبرادری سے خصوصی اپیل ہےکہ آئینِ پاکستان+قانون کی حکمرانی کےتحفظ کیلئےاسی طرح آگےبڑھ کر کردار اداکریں جیسا انہوں نے2007کی وکلاءتحریک کےدوران کیا

— Imran Khan (@ImranKhanPTI) March 31, 2023

عمران خان کا کہنا تھا کہ ہم تمام سیاسی جماعتوں سے بات کریں گے جو اس سازش کے خلاف کھڑی ہونے کو تیار ہیں۔میری اپنی وکلاء برادری سے خصوصی اپیل ہے کہ آئین پاکستان ، قانون کی حکمرانی کے تحفظ کے لیے اسی طرح سے آگے بڑھ کر کردار ادا کریں جیسا انہوں نے 2007 کی وکلاء تحریک کے دوران کیا ۔