اسلام آباد پولیس نے پشتون تحفظ موومنٹ کے رہنما اور سابق رکن قومی اسمبلی علی وزیر کو گزشتہ رات پمز اسپتال اسلام آباد کے احاطے سے گرفتار کرلیا ہے۔
علی وزیر کی گرفتاری کی ویڈیو سوشل میڈیا پر وائرل ہے۔ جس میں دیکھا جا سکتا ہے کہ علی وزیر کہہ رہے کہ ایکسیڈنٹ ہو گیا تھا ہم اسے (زخمی) اسے اسپتال لیکر آئے تھے، کوئی ایسی بات نہیں تھی اب پولیس ہمیں زبردستی لے جا رہی ہے۔ یہ ہمارے ساتھ زیادتی کر رہے ہیں۔ (اسی دوران پولیس اہلکار نے موبائیل فون سے ویڈیو بنانے والے شخص کو روک دیا)۔
مزید پڑھیں:جنوبی وزیرستان سے رکن قومی اسمبلی علی وزیر کو دوبارہ گرفتار کر لیا گیا
نجی نیوز چینل سے وابستہ کورٹ رپورٹر عادل سعید عباسی نے ایکس پوسٹ پر گرفتاری کی ویڈیو شیئر کرتے ہوئے لکھا ہے کہ اسلام آباد زیرو پوائنٹ پر موٹر سائیکل سوار پہلے آپس میں ٹکرائے پھر ایک بائیک علی وزیر کی گاڑی سے ٹکرا گیا۔ موٹر سائیکل پر 3 نامعلوم سوار بندے اپنے زخمی ساتھی کو چھوڑ کر فرار ہو گئے تھے۔
اسلام آباد زیرو پوائنٹ پر موٹر سائیکل سوار پہلے آپس میں ٹکرائے پھر ایک بائیک علی وزیر کی گاڑی سے ٹکرا گیا، موٹر سائیکل پر 3 نامعلوم سوار بندے اپنے زخمی ساتھی کو چھوڑ کر فرار ہو گئے، علی وزیر نے اپنی گاڑی کے ساتھ ٹکرانے والے نواجون کو پمز ہسپتال منتقل کیا، کچھ دیر بعد اسلام آباد… https://t.co/Cygj0uOkba
— Aadil Saeed Abbasi (@AadilSaeed1212) August 2, 2024
عادل سعید عباسی نے مزید لکھا کہ علی وزیر نے اپنی گاڑی کے ساتھ ٹکرانے والے نواجون کو پمز اسپتال منتقل کیا، لیکن کچھ دیر بعد اسلام آباد پولیس پمز اسپتال پہنچی اور علی وزیر کو گرفتار کرلیا۔
